Keshe, ıaǵnı, shilde aıynyń 24-inen 25-ine qaraǵan túni Bostandyq aýdanynyń órt sóndirý bólimsheleri Toraıǵyrov kóshesindegi órt shyqqan orynǵa jiberildi.
Bul oqıǵa jaıly ashamnews.kz Almaty qalasynyń Tótenshe jaǵdaılar departamentine silteme jasaı otyryp habarlaıdy.
Oqıǵa ornyna 17-ÓSB qaraýyl bastyǵy Januzaq Endibaev pen 1-MÓSB aǵa ınjeneri Vılıka Merekeevtiń basshylyǵymen kelgen órt sóndirýshiler 3 mınýtta kelgen sátte turǵyn úıdiń toǵyzynshy qabatynda páterdiń ashyq jalynmen janyp jatqanyn anyqtady.
Órt 20 sharshy metr aýmaqta balkon, as úı jáne úsh bólmeli páterdegi bólmeni sharpyǵan. Páter turǵyndarynyń ómirine qaýip tónip, temperatýra joǵary bolǵandyqtan, qart adamdar kireberis esikten shyǵa almady.
Aǵa ınjener Vılık Merekeev dereý evakýasıalaý-qutqarý jumystaryn júrgizý týraly sheshim qabyldady. Barlaý jáne órtti sóndirý barysynda janyp jatqan páterden eki adam: 57 jastaǵy er adam men 55 jastaǵy áıel qutqaryldy, kórshi páterden 6 adam evakýasıalandy. Jedel járdem brıgadasy qutqarylǵan qart erli-zaıyptylardy qarap, úılerine jiberdi.
Jedel árekettermen órt 28 mınýtta oqshaýlanyp sóndirildi. Qabyldanǵan sharalardyń arqasynda adamdar zardap shekken joq, órt kórshi páterge taralmady.