Aǵashtyń jaǵdaıyn jaqsartý, saqtaý jáne ártúrli zıandy organızmge tózimdiligin arttyrý úshin Almaty qalasynda jasyl jelekterdi bıologıalyq óńdeý jumystary júrgizilýde. Jaqsy áser etý jáne tıimdilikti arttyrý úshin bul túngi ýaqytta, jaýyn-shashyn joq kezde júrgiziledi, dep habarlady aqshamnews.kz
Jyl saıyn bıologıalyq óńdeý tórt kezeńmen júrgiziledi. Bıyl alǵashqy eki kezeń mamyr jáne maýsymda ótti. Óńdeýdiń úshinshi kezeńi jalǵasýda, bul jaýyn-shashyn bolmaǵan kezde júrgiziledi. Kún ashyq kezde bıoóńdeýdiń tórtinshi kezeńi tamyzdyń ortasynda bastalady dep josparlanǵan.
Bul jumysqa klımattyq faktordy eskere otyryp, QR aýmaǵynda qoldanýǵa ruqsat etilgen jáne adamǵa, qus pen janýarǵa zıansyz, qaýpi az sertıfıkattalǵan bıologıalyq jáne keıbir jaǵdaıda hımıalyq preparattar (P-4) paıdalanylady.
Japyraq jeıtin zıankester men zeń aýrýlarynyń qozdyrǵyshtaryna qarsy emdeý 2,3 mıllıonnan astam aǵashty óńdeý josparlanyp otyr. Zıankester men aýrýlar bıologıasynyń ereksheligin eskerip, óńdeý túnde jáne tańerteń júrgiziledi.