20 maýsymnan bastap qala syrtyndaǵy jazǵy saýyqtyrý lagerine almatylyq oqýshylardyń alǵashqy legi attandy, dep habarlaıdy almaty-akshamy.kz
Almaty qalasynyń Bilim basqarmasy erekshe bilim berýdi qajet etetin 100 balany «Baldáýren» balalar lagerine 10 kúnge saýyqtyrý demalysyna jiberdi. Lager Qapshaǵaı sý qoımasynyń ádemi soltústik jaǵalaýynda ornalasqan.
Balalardyń demalysyn qyzyqty ótkizýi, túrli is-sharalarǵa qatysýy jáne jańa dostar tabýy úshin barlyq jaǵdaı jasalǵan. Pedagogıkalyq bilimi men medısınalyq qyzmetkerleri bar arnaıy daıyndalǵan keńesshiler balalardyń qaýipsiz jáne jaıly turýyn qamtamasyz etýge daıyn.
«Bıyl qaýipsizdikti barynsha qamtamasyz etý úshin balalar lagerlerinde baqylaý kúsheıtildi. «Baldáýren» lagerinde qatań sanıtarlyq baqylaý, aýmaqtyń qaýipsizdigin arttyrý jáne balalardy júıeli túrde medısınalyq tekserýden ótkizý sıaqty qosymsha sharalar engizildi», - deıdi Almaty qalalyq Qoǵamdyq keńes múshesi Rafael Gasanov.
Sarapshylardyń aıtýynsha, bul balalardyń jazǵy demalysyn barynsha qaýipsiz jáne eń qolaıly ortada ótkizýin qamtamasyz etedi.
Esterińizge sala keteıik, Almatyda bıyl 266 myń saýyqtyrý jáne jumyspen qamtý syndy eki baǵytta jazǵy demalyspen qamtylady. Onyń ishinde 3 myńnan astam bala qala syrtyndaǵy jazǵy saýyqtyrý lagerlerinde demalatyn bolady.