Shoqan Ýálıhanov atyndaǵy mekteptiń oqýshylary ekobelsendilermen birge «Sosnovyı bor» saıabaǵynyń aýmaǵyna úsh myńǵa jýyq qurǵaqshylyqqa tózimdi qaraǵash kóshetterin otyrǵyzdy, dep habarlaıdy aqshamnews.kz
Bul bastama saıabaq perımetrinde jasyl qorshaý jasaý maqsatynda júzege asyryldy.
Ár synyptyń ul-qyzdary bul ekologıalyq bastamany úlken qyzyǵýshylyqpen qabyldap, ashyq aspan astyndaǵy sharaǵa qýana qatysty. Aıta keteıik, bul aǵashtardy balalar ózderi ósirgen: kóktemde tuqymyn otyrǵyzyp, jaz boıy baptap, endi olardy turaqty orny qaraǵaı toǵaıyna kóshirdi.
– Sońǵy ýaqytta biz osyndaı aksıalarǵa oqýshylardy jıi tartýǵa tyrysyp júrmiz. Bul jas urpaqtyń boıynda týǵan qalaǵa degen súıispenshilikti, tabıǵatqa degen qurmetti qalyptastyrýǵa kómektesedi. Sondaı-aq, balalar mektep jasynan bastap qalanyń qoǵamdyq ómirine atsalysýdyń mańyzyn túsinedi, – dep atap ótti ekobelsendi, Almaty qalalyq máslıhatynyń depýtaty Tımýr Eleýsizov.
Onyń aıtýynsha, bul aksıa ekologıalyq klýb eriktileri bir jyl boıy júzege asyryp kele jatqan úlken jobanyń bir bóligi bolyp tabylady. Saıabaq negizin qalaýshylardyń pikirinshe, bolashaqta bul qaraǵaı toǵaıy«Almatylyq Versal» atanýy ábden múmkin.
Aksıa sońynda árbir oqýshyǵa «Sosnovyı bor» saıabaǵy men pıtomnıktiń damýyna qosqan jeke úlesin rastaıtyn sertıfıkat tabystaldy.