Búgin almatylyq balalar Qazaqstan Respýblıkasy Prezıdenti arhıvinde jumys istep kórdi.
Mektep oqýshylaryna qujattardyń qalaı saqtalatyny, óńdeletini, qaıta qalypyna keltirý jáne sırfrlandyrý jumystaryn kórsetti, dep habarlaıdy Almaty-akshamy.kz 24.kz-ke silteme jasap.
Balalar jylyna oraı uıymdastyrylǵan «Bolashaq arhıvshi» is-sharasy aıasynda sheberlik sabaqtaryna qatysty. Qujattardy iriktep, janry men jylyna qaraı jikteýdi úırendi. Eresek balalar eski qujattardy qalpyna keltirip, arnaıy sózder men sandar arqyly qajetti derekterdi tabýdy úırendi. Arhıvshilerdiń aıtýynsha, qazir bul salaǵa jastar qyzyǵýshylyq tanytpaıdy. Sondyqtan da muraǵatty ishki qyrynan kórsetip, yntalandyrýdy maqsat etken.
«Arhıv degenimiz – ol tarıhtyń saqtaýshysy ǵoı. Balalar negizi mektepte tarıh sabaǵyn oqıdy. Ol tarıh qalaı jazylady, bul tarıh arhıvtik qujattardyń negizinde jazylady ǵoı. Sony biz kórsetýimiz kerek, bolashaqta keıbir oqýshylar arhıvshi bolatyn shyǵar», - deıdi QR Prezıdentiniń arhıvi oqý ádistemelik ortalyǵynyń sarapshysy Botagóz Beısenbekqyzy.