Almatylyq oqýshylar robototehnıka boıynsha taǵy da úzdik nátıje kórsetti. FIRST Tech Challenge robototehnıka boıynsha ashyq oıyndar Indonezıanyń Depok qalasynda ótti. Jarysqa 5 elden 30 komanda qatysty. Chempıonatqa Qazaqstannyń namysyn qorǵaýǵa Almaty qalasynan «124» komandasy attanǵan bolatyn.
9-11 synyp oqýshylarynan qurylǵan «124» komandasynyń quramynda: Aldıar Jumadil, Ilıas Áýezhan, Álimjan Raev, Gaýhar Janas, Laýra Toqtaǵalı – №124 JBBM, Aıhanym Shamshadın, Araı Erjanqyzy, Álrahat Umythan, Meras Medǵat – №81 mektep-gımnazıa, Tomırıs Ońǵarbek – №206 mektep-gımnazıa, Ásel Úmbet – №178 lıseı, Mıra Demeýǵalıeva – №200 mektep-gımnazıasynyń oqýshylary bar.
Almatylyq oqýshylar Ońtústik-SHyǵys Azıa elderinen kelgen 150 jas robototehnıka jasaýshylarmen birge birneshe kún boıy óz jumystarymen básekege tústi. Nátıjesinde el quramasynyń qorjyny 7 júldemen tolyqty. Sonyń ishinde Almatylyq oqýshylar tómendegideı nátıjege ıe boldy.
«124» komandasy:
1 oryn - Control award;
3 oryn - Think Award;
3 oryn - Connect Award.
Eske salaıyq, Indonezıada ótken chempıonatqa joldamany Qazaqstannan barǵan oqýshylar 2023 jyldyń jeltoqsan aıynda Oqý-aǵartý mınıstrliginiń jáne Almaty qalasy ákimdiginiń qoldaýymen USTEM Foundation Qoǵamdyq Qory uıymdastyrǵan Almaty Tech Cup respýblıkalyq týrnırinde jeńip alǵan bolatyn.
