Qazaqstannyń robototehnıka tarıhynda alǵash ret AQSH-taǵy álem chempıonatynda Almaty qalasynyń qurama komandasy úzdik ondyqqa kirip, kóshbasshylar qatarynan kórindi, dep habarlaıdy Almaty-akshamy.kz.
1737 K Urei komandasynyń oqýshylary Vex Spin Up sanatynda ótken 10 irikteý machynyń 9-da jeńiske jetken.
Minekeı, osylaısha olar óz dıvızıonyndaǵy 80 komanda arasynda 9-oryn ıelendi. Jarys 25 sáýirden bastap Dallas qalasynda (AQSH) 4 mamyrǵa deıin jalǵasady.
Vex Spin Up sanatyna 6-12 synyptardan jasaqtalǵan 11 500 komanda qatysady.
Buǵan qosa, Almaty qalasynyń eki komandasy: 1737d Dream ON jáne 1737Y Blue Ribbon tamasha nátıjege qol jetkizip, shırek fınalǵa shyqty. Qazir jasóspirimder arasyndaǵy saıys bastalady. Bizdiń oqýshylarǵa jańa jeńis tileımiz!