Almatylyq oqýshy jasandy ıntellekt arqyly teri aýrýyn anyqtaıtyn ǵylymı joba usyndy, dep habarlaıdy aqshamnews.kz 24KZ-ke silteme jasap.
Ol zaqymdanǵan teri sýretteri arqyly maımyl sheshegi vırýsyn tabýǵa bolatynyn kórsetti. Tájirıbelik modeldiń aýrýdy anyqtaý dáldigi – 95%. Medısına salasynda jasandy ıntellektini qoldaný deńgeıi kúnnen-kúnge artyp keledi. Qazirdiń ózinde damyǵan elderde rentgen, MRT beınelerin jasandy ıntellektiniń kómegimen taldaý túrli onkologıalyq aýrýlardy dál anyqtaýǵa jol ashyp otyr.
Zıatkerlik mekteptiń 11-synyp oqýshysy Artem Lavrentev óziniń ǵylymı jobasynda jasandy sanany teri aýrýlarynyń sýretterin taldaýǵa jáne maımyl sheshegi aýrýyn anyqtaýǵa beıimdedi.
Artem Lavrentev, oqýshy: - Model qoldanystaǵy VGG 16 neırondyq jelisiniń negizinde jasaldy, modeldiń keskindi taný qasıetteri damytylyp, beıimdeldi. Bul teri fotosýretterinen aýrýlardy dál anyqtaýǵa múmkindik berdi. Testileý barysynda neırojúıeniń sýretterdi jaı ǵana jattap almaı, anyqtaý úshin úlkeıtý qoldanyldy. Munyń bári onyń ózektiligin kórsetti.
Tájirıbelik úlginiń kómegimen maımyl sheshegi, jelsheshek, qyzylsha, sondaı-aq sıyr sheshegi jáne stomatıt aýrýlaryn birneshe sekýndta anyqtaýǵa bolady. Dáldigi – 95%. «Joba ınfeksıalyq aýrýdy bastapqy kezeńinde dıagnostıkalaýǵa múmkindik beredi ári densaýlyq saqtaý júıesine túsetin júktemeni azaıtady», – deıdi Artem.
Zıatkerlik mektep oqýshylarynyń budan ózge de birneshe ǵylymı jobasy bar.
Dámir Erkimalıev, fızıka pániniń muǵalimi: - Jetinshi synyptar, tómengi synyptardyń ózi qazirgi tańda meıkblok degen robot qurastyrady. Iaǵnı, bul jerde púltpen basqarý arqyly, elektr toǵyn bilesiz, óte elektrıkterge qaýipti. Sondyqtan da bul qaýipsizdikti saqtaý úshin jasalyp jatqan qurylǵylar.
Oqýshylar kóbine áleýmettik jobalarǵa basymdyq bergen. Múmkindigi shekteýli jandar úshin baspaldaqqa ońaı minip túsetin arba startap jobalar qatarynda ekinshi orynǵa ıe bolǵan. Sondaı-aq jer terbelisin sezetin ólsheýishtiń demonusqasy da daıyn. «Jetildirgen soń mektebimizde qoldanysqa engizemiz», – deıdi jas zertteýshiler. Al Artem bolsa jobasyn tolyq synaqtan ótkizip, bolashaqta kádege jaratýdy josparlap otyr.