Almatylyq oqýshy IT salasy boıynsha jeńimpaz atandy

Búgingi básekege qabiletti jas urpaq ómirimizge erkin engen aqparattyq tehnologıalar­dy da ábden meńgerip aldy. Sodan bolar, órkenıettiń tól týyndysy, IT salasyna qyzyǵýshylyq tanytpaıtyn jas kemde-kem. Sondaı talantty jastyń biri – Alma­tydaǵy №17 mektep-ınter­natynyń 7-synyp oqýshysy Aınur Elmuratqyzy Astana qalasynda ótken Web Xakaton formatyndaǵy IT olımpıadasyna qatysyp, 1-oryndy jeńip aldy.

Jas talanttardyń qıaly ushqyr

Web Xakaton olımpıadasy eki kezeńdi qamtydy. Aldymen qatysýshylar onlaın, sosyn oflaın formatta saıysqa tústi. Baı­qaýǵa qatysýshylar Astana qalasynda bas qosyp, 450-den astam veb-saıt ázirleýshiler men veb-dızaınerler IT salasy boıynsha baq synady. Jas izdenýshilerdiń jibergen ju­mystary 4 nomınasıa boıynsha iriktelip, eń úzdik 40 bala fınalǵa joldama alady. Olar jas erekshelikterine qaraı «Salaýatty ómir salty», «Qaldyqsyz ómir» taqyry­bynda saıt jasap jarysty. Baıqaýǵa tó­relik jasaǵan ádilqazylardyń aıtýynsha, jas ónertapqyshtardyń jumystary kásibı mamannyń jumysyna para-par. «Jas ta­lanttardyń qıaly ushqyr, ǵylymı jobala­ry kúrdeli», – dep joǵary baǵa berdi. Olar­dyń jobalarynyń birazyna qazirdiń ózinde suranys túsip jatqan kórinedi.

Sonymen, osynaý dodaǵa qatysyp, Alma­ty qalasynyń namysyn qorǵaǵan Aınur Elmuratqyzynyń bolashaǵynan zor úmit kú­týge bolady. Ol qazirdiń ózinde IT salasyn tereń zerttep, óziniń ǵylymı jobasyn ázir­leý ústinde.

– Astana qalasyna ǵylymı jetekshim Gúlzat Balǵymbaeva apaıym ekeýmiz bardyq. Jalpy, Web Xakaton baıqaýyna bizdiń sy­nyptan men ǵana qatystym. Aldymen onlaın qatysyp kórip edim. Jobalarym joǵary baǵa aldy. Astanadan shaqyrtý kelgende qatty qýandym ári qatty tolqydym. Bizge jas erekshelikterimizge qaraı tapsyrmalar berildi. Maǵan «Qarjylyq saýattylyq» ta­qyrybyna veb saıt jasap shyǵý tapsyryl­dy. Óz jumysyma mobıldi qosymshalar jasaýǵa arnalǵan baǵdarlamalardy qoldan­dym. Ádilqazylar aldyna shyǵyp, óz jo­bamdy qorǵap shyqtym. Bolashaqta osy IT salasynyń mamany bolsam deımin. Dáliregi, baǵdarlamashy bolam dep sheshtim. Bul salada kóbi aǵylshyn tilinde bolǵandyqtan, arnaıy kýrsqa baryp júrmin. Otbasymyzda bes ba­lamyz. Ata-anam meniń jeńisime qýanyp, qoldaý bildirip jatyr. Mektepte saltanatty jıyn bolyp, meni dırektorymyz Aınur Erulanqyzy barlyq ujym atynan quttyqta­dy.

Daryndy bala dara shyqty

Osy mekteptiń taǵy bir maqtanyshy – Shyńǵys Asqatuly jas daryndardy qoldaý maqsatynda ótkizilgen respýblıkalyq «Jas IT daryn» baıqaýyna qatysyp, jeńimpaz atandy.

QR İshki ister mınıstrliginiń qoldaýymen Maqan Esbolatov atyndaǵy Almaty akade­mıasynda ótken bul baıqaýda Shyńǵystyń «Kıber qaýipsizdik» dep atalatyn ǵylymı zertteý jumysy eń úzdik dep tanyldy. Jal­py, atalmysh baıqaýǵa 300 jas ónertapqysh qatyssa, olardyń tek 30-y ǵana fınalǵa ótti.

– Men bolashaqta IT salasynyń kıber qaýipsizdigin tereń zerttesem deımin. Óıt­keni, bul qazirgi tańdaǵy eń ózekti másele. Osy baıqaýǵa qatysýyma ǵylymı jetekshim Nazym Sátbaevanyń eńbegi óte zor boldy, – deıdi daryndy jas.