2024 jylǵy 11 tamyzda Parıjde XXXIII jazǵy Olımpıada oıyndary máresine jetti. Almaty sportshylary Qazaqstannyń namysyn abyroımen qorǵap, birneshe medal jeńip alyp, eldiń sporttyq bedelin halyqaralyq arenada nyǵaıtty.
20 tamyz kúni Almaty qalasy ákimdiginde Olımpıada júldegerlerimen saltanatty kezdesý ótti. İs-shara aıasynda sportshylarǵa aqshalaı sertıfıkat, avtokólikterdiń kilti jáne turǵyn úı alý sertıfıkaty tabystaldy. Aqshalaı syıaqylar men avtokólikter Almaty qalasy ákimdigi tarapynan dál sol kúni berildi.
Al turǵyn úıge qatysty sertıfıkat — ataqty sportshylardy baspanamen qamtamasyz etý tetiginiń alǵashqy kezeńi. Sertıfıkattar tabystalǵan soń, turǵyn úıdi satyp alý rásimi bastaldy. Bul úderis arnaıy búdjet qalyptastyrýdy jáne barlyq memlekettik satyp alý rásimin — baıqaý jarıalaýdan bastap kelisimshartqa deıin qamtıdy. Atalǵan rásimder zańnamaǵa saı qatań tártippen júzege asady jáne belgili bir ýaqytty qajet etedi.
2025 jyly 9 qańtarda barlyq zańdyq jáne satyp alý rásim tolyq aıaqtaldy. Sportshylarǵa jaıly jaǵdaı jasaý maqsatynda páterlerge taza árleý jumystarymen jóndeý júrgizildi.
Búgingi tańda barlyq páterde jóndeý jumystary aıaqtaldy. Almaty qalasy Sport basqarmasynyń qyzmetkerleri árbir júldegermen baılanysta bolyp, kilt tabystaý kúnin jeke-jeke kelisip jatyr (Olımpıada chempıony Nazym Qyzaıbaıdyń aıtýynsha, Sport basqarmasynyń qyzmetkerleri únemi baılanysta ekenin jáne kiltti tapsyrýǵa daıyn ekenin habarlaǵan). Páter kilti Almaty qalasy ákiminiń sportty qadaǵalaıtyn orynbasary Shahanov B.M. tarapynan saltanatty túrde tabystalady.
Almaty qalasynyń sport basqarmasy