Keıipkerimiz bul salada on jyldaı ýaqyt jumys istep keledi
Marat Kenjebolatov bir jarym jyl buryn AQSH-qa qonys aýdaryp, jıý-jıtsý ónerin damytýǵa bel baılaǵan. Qazir onyń bıznesi jaqsy damyp jatyr, úıirmege keletin balalar úsh tilde sóıleıdi, dep habarlaıdy Almaty-akshamy.kz Express Qazaqstan-ǵa silteme jasap.
Amerıkalyqtardyń kópshiligi Marattyń qaı jaqtan kóship kelgenin áli de bolsa ajyrata bermeıdi. Marat — Eýropa men Amerıka chempıonattarynda qola júlde alǵan sportshy. Express Qazaqstan tilshisimen áńgimelesken ol hobbıi úshin álemdik brendtermen baılanys ornatýdan nege bas tartqanyn aıtyp berdi. Qazir ol Los-Andjeleste turyp jatyr.
Eýropada ómir súrý qıyn. Al, myna jerge beıimdelý ońaıyraq. Amerıkalyqtar ózgeniń ómirine kóp aralasa bermeıdi. Bul emırganttar eli, bul jerde sen qaıdan jáne ne úshin kelgeniń eshkimge qyzyq emes, dese, amerıkalyqtardyń kóbi Golovkındi eske alady,- deıdi Marat Kenjebolatov.
Djı-djıtsý tóbeles óneriniń barlyq chempıonattary Amerıkada ótedi. Alaıda, bizdiń sportshylardyń kóbi munda kele almaıdy. Al, men bolsam bul sport túrin damytqym keledi. Sondyqtan, bul brendti Qazaqstannan Shtatqa qaraı aýystyra aldym dep oılaımyn,-deıdi Marat.
Keıipkerimiz bul salada on jyldaı ýaqyt jumys istep keledi. Ol qarapaıym bir seksıany Qazaqstandaǵy úlken bir sport salasyna aınaldyra aldy.
Almatydaǵy shaǵyn klýby Checkmat akademıasyna aınalyp, oǵan kelgen sportshylar qara belbeýge deıin óse alatyn jaǵdaıǵa jetti.
Men jattyqtyrýshylyqqa 2012 jyly keldim. 5-6 jyldan keıin jattyqqysy keletinderdiń sany artyp, zal tolyp ketti. Qaýymdastyq týrnırlerge kóp qarjy quıa bastady, -deıdi áńgimesin jalǵastyrǵan ol.
Bul aralyqta Marat British American Tobacco, Schwarzkopf & Henkel sıaqty álemdik iri brendterdiń Qazaqstandaǵy ókildikterimen jumys isteıtin. Alaıda, ýaqyt óte onyń hobbı jaqsy tabys kózine aınalyp, ol sportty damytýǵa burynǵydan da kóp shabyttana bastaǵan. Áriptesteri sportty Qazaqstanda ǵana damytyp qoımaı, shetel aýystyrýǵa bolatynyn aıtqan.
Osylaısha, bizdiń klýb óner kórsetetin Checkmat akademıasynyń basshylyǵy Amerıkada osyndaı jeli ashýdy usyndy. Bul ıdeıa maǵan unady. Tájirıbem de jaqsy bolǵan soń, ári sheteldik brendtermen jumys istep júrip, aǵylshynsha sóılep úırengen soń, kelistim,-deıdi Marat
Degenmen, únemi eki isti qatar alyp júretin Marat Amerıkaǵa kelip te jyljymaıtyn múlik salasynda qosymsha jumys istegen.
Shetelge kósheıik degende Maratty otbasy qoldap, tipti, onyń óz balalary da jıý-jıtsý úıirmesine qatysa bastaǵan. Qazir Marattyń balalary qazaq, orys, aǵylshyn tilderinde erkin sóıleıdi.
Otbasym AQSH-qa qatty qyzyqty. Jańa oryn, jańa emosıalar. Ómirge degen jańasha kózqaras. Mundaı ózgerister adamnyń dúnıetanymyn keńeıtip, ómirge degen kózqarasyn ózgertedi, - deıdi jeke pikirin bildirgen Marat.
Sóz sońynda otandasymyz elge qaıta oralýy da múmkin ekendigin jetkizdi.