Almaty Ortalyq qalalyq klınıkalyq aýrýhanasynyń hırýrgy Farabı Stamkýlov "úsheýi bir ýaqytta" kólemdi kúrdeli otasyn jasady.
Naýqas 10 aı buryn, 2024 jyldyń mamyrynda perıtonıt klınıkasymen aýrýhananyń qabyldaý bólimine shuǵyl túrde jetkizilgen, dep habarlaıdy aqshamnews.kz.
Aýrýhanaǵa túsken ýaqytta naýqastyń jaǵdaıy óte aýyr bolǵan, kóptegen organnyń jetkiliksizdigi men septıkalyq shok saldarynan turaqsyz gemodınamıka oryn alǵan.
Qýys aǵza perforasıasy. Perıtonıt» dıagnozymen naýqas shuǵyl túrde ota bólimine alyndy.
Ota kezinde naýqasta nekroz jáne perforasıa, jarylǵan nájisti perıtonıt jáne ish sepsısimen asqynǵan ydyraý satysyndaǵy sıgma tárizdi ishek qaterli isigi anyqtaldy.Naýqastyń aýyr halde, ólim aýzynda boldy. Farabı Stamkýlov desendostomany (toq ishektiń tómendegen bólimi) joıýmen isik rezeksıasyn jasady. Budan keıin naýqas ambýlatorıalyq emdeýge jiberildi. 10 aıdan keıin ol hırýrg Farabı Stamkýlovqa desendostomany jabý úshin júgindi. Buǵan deıin jarylǵan nájisti perıtonıt pen ishtiń sepsısin eskere otyryp, naýqasta kólemdi jabyspa prosesiniń oryn alýy boljanǵan edi. Sonymen qatar onyń aldyńǵy ish qabyrǵasynda jasalǵan otadan keıin úlken jaryq boldy. Hırýrgtyń aıtýynsha, bul saldar naýqastyń otadan keıingi kezeńde usynysty durys oryndamaýynan nemese saqtamaýynan týyndaýy múmkin (ol únemi tańǵysh kıip júrmegen nemese fızıkalyq belsendikti shektemegen), naýqas muny teriske shyǵarǵan da joq. Rekonstrýktıvti aralasý sheńberinde naýqasqa laparotomıa, enterolız (jabyspany bólý), "ushy ushyna" desendo-rektoanastomozdy qoldaný arqyly desendostomany joıý, sondaı-aq on-lay modıfıkasıasyndaǵy "Etıkon" prolen torymen biriktirilgen kerilmeıtin alogernıoplastıka oryndaldy. Enterolızdi júrgizý 10 aı buryn jarylǵan nájis perıtonıti men ish sepsısinen keıin paıda bolǵan kólemdi jabyspadan ash jáne toq ishektiń ilmekterin bosatý úshin qajet boldy, - dep atap ótti Farabı Stamkýlov.
Jabyspa ishek ótimsizdigine ákelýi múmkin, bul óz kezeginde otadan keıingi asqynýdy týdyrýy jáne naýqastyń ómirine qaýip tóndirýi múmkin edi. Naýqasqa bir ýaqytta úsh ota jasaldy: anastomozdy qoldaný arqyly stomany joıý, kólemdi jabyspa prosesinde enterolız (shamamen 4 saǵatqa sozylatyn ota) jáne jaryqty joıý úshin biriktirilgen kerilmeıtin alogernıoplastıka.
Aralasý saýytty tyǵyz jabyspaǵa baılanysty kúrdelene tústi, bul otanyń uzaqtyǵyn ish qýysynda 6 saǵattan astam jumys isteýge deıin uzartty, - deıdi Farabı Stamkýlov.