Respýblıkalyq “Taza Qazaqstan” ekologıalyq aksıasynyń “Ónegeli urpaq” kompanıasy aıasynda eriktiler zeınetkerdiń aýlasyn tazartyp, qaqpasyn boıady.
Búgin Almatyda "Taza Qazaqstan" respýblıkalyq aksıasynyń "Ónegeli urpaq" aptalyǵy aıasynda eriktiler zeınetkerdiń aýlasyn tazartyp, kógaldandyrý jumystaryn júrgizdi.
Eriktilerdiń maqsaty – Prezıdenttiń bastamasyna qoldaý kórsete otyryp, ózge de turǵyndardy tazalyq aksıasyna atsalysýǵa shaqyrý, qarttarǵa qamqorlyq, qurmet kórsetý. Osy rette eriktiler qoldaryna kúrekterin ustap, jemis aǵashtaryn egip, qarıanyń baqshasyn tazalap berdi. Osyndaı kómek kórsteligen qarıalardyń biri Panna Kerbs esimdi zeınetker. Ol kisi Qarasý yqsham aýdanyndaǵy Mıchýrın 41/3 meken-jaıynyń turǵyny.
- Mundaı ıgi is jasaý bizdiń zeınetkerlerge degen syılastyǵymyzdyń belgisi. Osyndaı tazalyq sharalarynyń kóp bolyp jatqany qýantady. Biz árdaıym qarttarǵa kómektesýge daıynbyz. Ári muny, azamattyq paryzymyz dep oılaımyn. Sondyqtan, barlyǵymyz bir judyryqtaı jumylǵanymyz durys, - dedi zeınetkerdiń aýlasyn tazalaýǵa kelgen Almaty qalasy Jumyspen qamtý baǵdarlamalar basqarmasynyń “Qamqor” áleýmettik ortalyǵynyń sharýashalyq meńgerýshisi Kenesjan Omarhanuly.
Óz kezeginde belsendi eriktiler qarıalarǵa kómek kórsetý óskeleń urpaqtyń paryzy ekenin atap ótip, osyndaı izgilikti ister ózge de qalalarda uıymdastyrylsa degen tilegin de jetkizdi.
- Kópten beri tazalaýǵa shamam bolmaı júrgen. Aýlamdy tazlaýǵa kelgen meırimdi jandarǵa alǵysym sheksiz. Barlyǵy belsene atsalysyp jatqanyna óte qýanyshtymyn. Árdaıym, osylaı jaqsylyq jasap jarysyp júreıik, - dedi zeınetker Panna Kerbs.
Aıta keteıik, Alataý aýdany, «Qarasý» yqsham aýdanynda turatyn zeınetkerdiń aýlasyn tazartý Respýblıkalyq aksıa aıasynda ótkizilip jatyr. Osy rette zeınetker jastarmen suhbat quryp, óziniń estelikterimen bólisti. Apalyq aqylyn aıtyp, batasyn berdi. Sondaı-aq ekoaksıanyń júıeli ótkizilýin qoldaıtynyn jetkizdi.
Jalpy tazalyq aksıasy bastalǵaly qalada jasyl jelek aýmaǵy ulǵaıyp, shahar aýmaǵy gúldermen jáne aǵashtarmen tolyqty.
Esterińizge sala keteıik, 8 sáýir men 8 mamyr aralyǵynda Almatyda "Almaty-bizdiń ortaq úıimiz"naýqany ótip jatyr. Árbir turǵyn qalanyń damýy úles qosa alady. Barlyq aqparat almaty.kz saıtynda jáne Almaty ákimdiginiń áleýmettik jelilerinde ornalastyrylǵan. Sondaı-aq, veb-saıtqa qala boıynsha ornalastyrylǵan bannerlerde, plakattarda jáne plakattarda arnaıy QR-kod arqyly kirýge bolady.