Kezekshilikti tapsyrǵannan keıin «Almaty Qala Jaryq» kóshe jaryqtandyrýyna jaýapty kúndizgi aýysymdaǵy mamandar ózderiniń saılaý ýchaskelerinde daýys berdi, dep habarlaıdy aqshamnews.kz.
Almatynyń syrtqy jaryqtandyrý jelilerin jóndeý jáne qyzmet kórsetý salasynda tikeleı jumys isteıtin elektromonter Roman Grınev, referendýmǵa qatysý árbir Qazaqstan azamatynyń boryshy dep sanaıdy.
«Energıamen jabdyqtaý, onyń ishinde kóshe jaryqtandyrýy – kez kelgen eldi mekenniń jaıly ári qolaıly ómiriniń ajyramas bóligi. Qazaqstandyqtardyń el úshin osyndaı mańyzdy sheshim qabyldaý kezinde óz azamattyq ustanymyn bildirýdiń qanshalyqty mańyzdy ekenin túsinetini qýantady», – dep atap ótti ol.
Aıta keteıik, Qazaqstanda AES qurylysy máselesi boıynsha respýblıkalyq referendým aıaqtalýǵa jaqyn.