Qaqalyp qalyp, jótel tyıylmasa, dereý dárigerge júgingen jón
Ortalyq qalalyq klınıkalyq aýrýhanaǵa 5 kúnge sozylyp toqtamaǵan jótel shaǵymymen kelgen 54 jasar pasıent jatqyzylǵan, dep habarlaıdy Almaty-aksgamy.kz OQKA baspasóz qyzmetine silteme jasap.
Fýnksıonaldyq dıagnostıka bólimshesiniń meńgerýshisi Jasulan Elemes endoskopıalyq tekseris-bronhoskopıa júrgizdi, nátıjesinde keńirdeginde bóten dene anyqtalǵan. Dáriger 1-2 sm mólsherindegi bóten deneni alyp tastady. Bóten dene súıek bolyp shyqty.
«Ýaqytynda júrgizilmegen bronhoskopıa qabynǵan isik túıini bolyp, irińdi qabynýǵa aınalyp ketýshi edi. Prosedýra sátti ótti, súıek keńirdegine zaqym keltirmeı alyndy», - dedi Jasulan Elemes.
Naýqas óz kezeginde dárigerlerge alǵysyn bildirdi.
«Jótel mende tamaqtanǵan kezde paıda boldy, men qaqalyp qaldym. Sodan jótel batalyp, toqtamaı qoıdy. Emhanaǵa baryp, emdeý kýrstaryn ala bastadym. Biraq, ol kómektespedi. Sol sebepti aýrýhanaǵa barýdy sheshtim. Qabyldaý bólimshesine barǵanda, dárigerge meniń jótelim unamady. Tekseris júrgizgen kezde súıektiń bary anyqtaldy. Dárigerlerge kásipkerligi úshin, der kezinde dıagnoz qoıǵany úshin alǵysym sheksiz! Sizderge úlken rahmet»! - dedi pasıent.
Dárigerdiń aıtýynsha, eger adam qaqalyp qalǵannan jóteli toqtamasa, mamandarǵa júginýi mindetti.