Mundaı biregeı mıkrohırýrgıalyq ota Qazaqstanda alǵash ret jasaldy.
Almatynyń №2 qalalyq balalar aýrýhanasynyń dárigerleri balanyń julynǵan saýsaǵyn saqtap qaldy, dep habarlaıdy Almaty-akshamy.kz Astanatv.kz-ke silteme jasap.
Densaýlyq saqtaý mınıstrligi baspasóz qyzmetiniń habarlaýynsha, 9 jasar bala kóshede jaraqattanyp qalǵan. Jedel operasıany travmatologıa bóliminiń meńgerýshisi Erlan Sadyrbalın, mıkrohırýrgter Sergeı Kosarev pen Aleksandr Smolánkın jasady.
Saýsaqty saqtap qalý múmkindigi óte az bolǵan. Qazaqstanda mundaı operasıalardy jasaıtyn maman tapshy.
«Ota úzdiksiz 5 saǵatqa sozyldy. Bul óte qıyn jumys. Dárigerler qoldan kelgenniń bárin jasady. Operasıalyq mıkroskop arqyly tinder men qan tamyrlaryn tigip, zaqymdanǵan saýsaq arterıalaryn, dıametri óte kishkentaı júıke talshyqtaryn, súıek, sińir, tamyrlardy, kesilgen saýsaqtaǵy qan aınalymyn jalǵady», – dep habarlady Densaýlyq saqtaý mınıstrligi.
«Mundaı operasıany jasaý úshin zamanaýı mıkrohırýrgıalyq qural-jabdyq qajet. Tıisti daıyndyqsyz, qural-jabdyqsyz mundaı operasıalardy júrgizý múmkin emes», – dedi №2 qalalyq klınıkalyq balalar aýrýhanasynyń travmatologıa bóliminiń meńgerýshisi Erlan Sadyrbalın.
Bala segiz kún stasıonarlyq em aldy.