Maman teri qaterli isigin ýaqytynda qalaı tanýǵa bolatynyn túsindirdi.
Almaty dermatologtary totyǵý qaýpi týraly aıtty, dep habarlaıdy Almaty-akshamy.kz AOO baspasóz qyzmetine silteme jasap.
Almaty Onkologıalyq ortalyǵynyń dermatolog-onkology Erlan Asetıllanyń aıtýynsha, kún sáýlesinde árıne júrýge bolady, biraq keıbir sharalardy óz densaýlyǵyńyzǵa zıan keltirmeý ýshin bilýińiz kerek!
Dárigerdiń sózine júginsek, kún sáýlesiniń paıdasy mol, ol kóńil-kúıdi jaqsartady, óıtkeni bizdiń aǵzamyzda D dárýmeni paıda bolady. Biraq dáriger atap ótkendeı, shamadan tys últrakúlgin sáýlesi densaýlyqqa kanserogenti áser etýi múmkin. Sondyqtan kúnniń últrakúlgin sáýlelenýi nemese kúnge kúıip qalýynyń jasandy kezinde (jasandy totyǵý jabdyǵy) teride qaterli isikke deıingi ózgerister paıda bolýy múmkin.
«Totyǵý kezinde siz kóleńke tabýyńyz kerek jáne de tańerteń nemese keshke( tańerteńgi 10-ǵa deıin jáne kúndizgi 17-den keıin) kúnge totyǵýyńyzǵa bolady. Al tapatal tús kezinde, kún sáýlesi asa myqty ýaqytta ózińizdi qorǵaý kereksiz. Eń jaqsy qorǵanys: bas kıim, kózildirik, qolshatyrlar, uzyn jeńdeńdi kıimder, kólińke jáne t. b. Biraq, esińizde bolsyn, kremder teriniń qaterli isikteriniń paıda bolý qaýpin tómendetpeıdi. Olar terini kún sáýlesinen qorǵaıdy, biraq onyn kúshi az. Al durys tańdalǵan kıim qaterli isiktiń damý qaýpin tómendetedi», - eskertti dáriger Erlan myrza.
Onkolog kúnniń kúıip qalýy qaýipti ekenin túsindirdi.
«Kúıik-bul iz-tússiz ketpeıtin jaraqat. Qaterli isik bir – eki kúnde paıda bolmaıdy, bul óte uzaq satyly proses. Saý jasýshanyń qaterli isikke aınalýy úshin onyń genetıkalyq ishki qurylymynda birneshe ret ózgeris bolýy kerek. Keıde ol ondaǵan jyldarǵa sozylady», - dep túsindirdi ol.
Sondaı-aq, dáriger teri qaterli isiginiń birinshi kezeńinde barlyq naýqastardyń 96-99%-y tolyq emdeletinin atap ótti.
Kóp jaǵdaıda bul isikter hırýrgıalyq ádispen nemese fotodınamıkalyq terapıamen sátti emdeledi.
«Emdeý ádisin tańdaý isiktiń mólsherine jáne onyń ornalasýyna baılanysty. Emdeýdiń sáttiligi teri qaterli isiginiń erekshelikterimen satysyna, isik mólsherine, metastazalardyń bolýyna nemese bolmaýyna baılanysty. Eger naýqas aýrýdyń bastapqy kezeńderinde dárigerge júginse, onda aýrý tolyǵymen júz paıyz jaǵdaıda emdeledi, - dep qorytyndylady maman.