Vaksına vırýstyń aldyn alady.
№36 qalalyq emhananyń bas dárigeri Gúljaınat Tilegenniń aıtýynsha, bizdiń elimizdi ǵana emes, búkil álemdi basyp alǵan koronavırýstyq pandemıany jeńý úshin halyq vaksınalaný prosesinen ótýi tıis, dep habarlaıdy Almaty-akshamy.kz.
«Halyqtyń basym bóligi vaksınalanbaıynsha, biz indetti jeńýge kómektesetin ujymdyq ımýnıtetke qol jetkize almaımyz. Koronavırýstyq ınfeksıaǵa qarsy vaksına bizdiń densaýlyǵymyzdy, jaqyndarymyzdyń densaýlyǵyn saqtaý jáne adamdardy qalypty ómir saltyna qaıtarý úshin jasalǵan», - dedi G.Tilegen.
Dárigerdiń aıtýynsha, vaksınalanbaǵan naýqastyń jaǵdaıy aýyr bolady, keıinnen aǵza nasharlaıdy, ınfeksıa tasymaldaýshysyna aınalýy ári qaıǵyly jaǵdaıǵa dýshar bolýy múmkin.
«Adamdar KVI-ge qarsy vaksınasıadan keıin aýyryp qalǵan jekelegen jaǵdaılar bar. Biraq eger adam vırýsqa qarsy ımýnıtetke ıe bolsa, ımýnıtet vırýsty óltiredi. Aýrýdan 100% qorǵaı alatyn birde-bir vaksına joq. Degenmen, COVID-19 vaksınasy qorǵanýdyń tıimdi ádisi. Óıtkeni, vaksınalanǵan pasıentterdiń aýrýy jeńil ári sımptomsyz bolady. Dert asqynbaıdy, qaıǵyly jaǵdaı bolmaıdy», - deıdi G. Tilegen.
Bas dáriger vaksınalanǵan adamdardyń aýrýǵa shaldyǵýynyń sebepteriniń biri vaksınasıadan keıingi kezeń dep sanaıdy, óıtkeni ekinshi komponent engizilgennen keıin ımýnıtetti qalyptastyrý úshin ortasha eseppen 3 apta úzilis qajet. Sonymen qatar, koronavırýstyq ınfeksıanyń aldyn alý sharalaryn saqtaý mańyzdy ról atqarady. Biraq G. Tilegenniń aıtýynsha, kóptegen naýqastar vaksınany alǵannan keıin qorǵanysty sezinedi jáne koronavırýstyq ınfeksıaǵa qarsy barlyq qaýipsizdik sharalaryn tolyq oryndaýdan bas tartady.
Dáriger ımýnıtetti tek vaksına ǵana emes, ómir salty, durys tamaqtaný, uıqy qalyptastyratynyn aıtty.
«Sondyqtan biz barlyq naýqastardy vaksına alýǵa jáne medısınalyq qyzmetkerlerdiń barlyq usynystaryn oryndaýǵa shaqyramyz. Adamdar kóp jınalatyn jerlerden aýlaq bolyp, betperde taǵý qajet», - dedi G. Tilegen.