Qoldy jıi jýý, respıratorlyq gıgıena – bul jótelgende jáne túshkirgende aýyz ben muryndy maılyqpen jabý, adam kóp jınalatyn oryndarǵa barýdy shekteý JRVI jáne tumaý juqtyrý qaýpin azaıtýǵa kómektesedi.
Bul týraly ÓKQ brıfıńinde Almaty qalasynyń №16 qalalyq emhanasynyń jalpy tájirıbe dárigerleri bóliminiń meńgerýshisi Baıan Tákibaeva aıtty, dep habarlaıdy Almaty-akshamy.kz.
Baıan Máýlenqyzynyń aıtýynsha, aýa tamshylary arqyly juǵatyn jiti juqpaly aýrýlar etıologıasy boıynsha erekshelenedi (300-den astam vırýs belgili).
Negizgi belgileri:
· temperatýrasy 38*S jáne odan joǵary bolsa ;
· púlstiń jıiligi temperatýranyń artýyna sáıkes keledi.
· tynys alý jıileıdi;
· kataraldy belgilerdiń ortasha belgileri (murynnyń aǵýy, qurǵaq jótel);
· bet men moıynnyń gıperemıasy, qatty terleý, dıffýzdy gıperemıa jáne jutqynshaqtyń shyryshty qabatynyń túıirshiktiligi;
JRVI asqynǵan aǵymynyń qaýip tobyna mynalar jatady:
sozylmaly ókpe aýrýy bar kez kelgen jastaǵy adamdar (demikpe, ÓSOA jáne t.b.);
sozylmaly júrek aýrýy bar kez kelgen jastaǵy adamdar;
zat almasý buzylýlary bar adamdar (qant dıabeti, semizdik);
sozylmaly búırek aýrýy, sozylmaly gepatıti, nevrologıalyq jaǵdaıy, gemoglobınopatıasy jáne ımmýnosýpressıasy bar adamdar;
65 jastan asqan adamdar.
Baıan Tákibaeva ekpe almaǵandarǵa betperde kıip, araqashyqtyqty saqtaýǵa, adam kóp jınalatyn jerlerden aýlaq bolýǵa keńes beredi. Sonymen qatar, úıde mıkrobtardyń kóbeıýine jol bermeıtin ylǵaldy tazalyqty jıi júrgizý kerek.
Dáriger úıde dári-dárimeksiz qalaı emdelýge bolatynyn aıtty:
Intoksıkasıa belgileri bolǵan jaǵdaıda tósekte jatyp, demalǵan durys.
dıeta – tez sińiriletin taǵamdar jáne shaı, jemis-kókónis shyryndary, jemis sýsyndary, aýyz sý túrinde táýligine dene salmaǵyna 20-40 ml/kg mólsherinde suıyqtyqty kóp tutyný.
Jýrnalıserdiń suraqtaryna jaýap bergen dáriger dene qyzýy kóterilgende, birden jedel járdem shaqyrtýdyń qajet emestigin aıtty.
«Dene temperatýrasyn 38 * C deıin kóterilgen jaǵdaıda túsirý usynylmaıdy, sebebi bul organızmniń ınfeksıalyq agresorǵa qorǵanys reaksıasy. Dene temperatýrasynyń joǵarylaýynan patogendik bakterıalar men vırýstar óledi, biraq árbir organızm jeke. Bireý aıaqta júrip, 37-38 gradýs temperatýraǵa shydaı alady jáne dene qyzýyn tipti baıqamaıdy da ony túsirýge asyqpaıdy, bul aǵzanyń kúresýine múmkindik beredi, al endi bireý qyzý túsiretin dárisiz júre almaıdy. Joǵary temperatýrany óz betinshe túsirýge bolady - muny isteý úshin mańdaıǵa salqyn kompres jasap, ony shamamen 30 mınýt ustap, qyzýdy basatyn dárini qabyldaý kerek. Eń senimdi dárilerdiń biri – parasetamol, ıbýprofen», – deıdi Baıan Tákibaeva.
Eger dene temperatýrasy 38,5 gradýstan joǵary bolsa, odna ony mindetti túrde qyzýdy túsiretin preparattarmen túsirý kerek, óıtkeni ol tyryspa, júrekke kúsh túsý jáne qan aınalymy jetkiliksizdigi, esten taný, mıdyń isinýi syndy asqynýlardy týdyrýy múmkin.
Dáriger JRVI-nyń aldyn alýdyń negizgi jáne tıimdi dáleldengen ádisi maýsymdyq vaksınasıa ekenin atap ótti.