Qazaq memlekettik sırkiniń ekvılıbrısi Taısıa Demıdova Monte-Karlodaǵy 46-shy Halyqaralyq sırk festıvali aıasynda ótken «Jańa urpaq» 11 festıvalinde «Qola ıýnıor» syılyǵynyń ıegeri atandy. Bul baıqaý álemdegi eń bedeldilerdiń biri bolyp sanalady jáne sırk «Oskary» dep atalady.
Taısıa Demıdova Monakoda «Hýla- hýapamen ekvılıbr» nómirin kórsetti. Qola medaldan ózge Taısıa «Italıa sırki dostarynyń júldesi» jáne «Ulttyq bilim jáne sport basqarmasynyń arnaıy syılyǵy» atty eki arnaıy marapatty da jeńip aldy.
«Bul - sırk ónerindegi eń bedeldi marapattardyń biri. Biz Taısıamyzǵa óte qýanyshtymyz jáne onyń mansabynda úlken bıikterge jetetinine senimdimiz. Almaty ákimdigi ártisterimizdiń shyǵarmashylyq áleýetin damytýǵa kóp kóńil bóledi», - dedi Almaty qalasy mádenıet basqarmasynyń basshysy Ǵanı Maılybaev.
Aıta keterligi, 2023 jyly Almaty sırkiniń ártisteri alǵash ret Beıjiń halyqaralyq akrobatıka mektebinde jáne Reseı teatr óneri ınstıtýty — GITISTE biliktiligin arttyrýdan ótti. Sondaı-aq, sońǵy 35 jylda alǵash ret sırk shetelge gastróldi qaıta bastady jáne Dýshanbe men Tbılısıde óner kórsetti. Budan basqa, sırk ǵımaratyna kúrdeli jóndeý júrgizý josparlanýda.
