Almaty qalasy Ádilet departamentiniń basshysy Balaıym Kesebaeva Óńirlik komýnıkasıalar qyzmetiniń brıfıńinde Qazaqstan Respýblıkasynyń Konstıtýsıasynda jáne zańnamalyq aktilerinde belgilengen normalarǵa sáıkes azamattyq, ákimshilik jáne qylmystyq prosester barysynda árbir adamnyń bilikti zań kómegin alý quqyǵy kózdelgenin aıtty, dep habarlaıdy Almaty-akshamy.kz.
Departament basshysynyń málimetinshe, 2023 jyly Almaty qalalyq alqasynyń advokattary 15 544 azamatqa memleket kepildik bergen zań kómegin kórsetti.
«Advokattar men zań keńesshileriniń qyzmeti jeke jáne zańdy tulǵalardyń quqyqtaryn, bostandyqtary men zańdy múddelerin qorǵaý jáne iske asyrýǵa járdemdesý maqsatynda kásibı zań kómegin kórsetýge negizdeledi», - dedi B.Kesebaeva.
ÓKQ spıkeri sondaı-aq «Ádilet organdary týraly» jáne «Advokattyq qyzmet jáne zań kómegi týraly» Zańǵa sáıkes ádilet organdary memleket kepildik bergen zań kómegi sheńberinde advokattar men zań konsýltanttary kórsetetin zań kómegin uıymdastyrýdy, sondaı-aq onyń sapasyn baqylaýdy qamtamasyz etetinin túsindirdi.
Almaty qalasynda advokattar alqasy jáne 15 zań keńesshileri palatasy jumys isteıdi, 981 advokat, 5 332 zań keńesshisi qyzmetin júzege asyrady.