2024 jyldyń 5 qyrkúıegi men 1 qazan aralyǵynda «Tuıyq-Sý» álpınısik lagerinde Respýblıkalyq jedel-qutqarý otrádynyń qutqarýshylaryna «Bastapqy daıyndyq» baǵdarlamasy boıynsha oqytý jumystary ótedi. Oqytý Almaty qalasynyń álpınızm federasıasynyń tájirıbeli nusqaýshylarynyń jetekshiligimen júrgizilip jatyr. Jobany uıymdastyrýshy – Almaty qalasynyń týrızm basqarmasy.
Oqý baǵdarlamasy qutqarý operasıalarynyń negizgi prınsıpteri men ádisterin meńgerýge, sondaı-aq tótenshe jaǵdaılarda uıymdastyrý jáne basqarý daǵdylaryn damytýǵa baǵyttalǵan teorıalyq jáne praktıkalyq sabaqtardan turady.
Teorıalyq daıyndyq barysynda qutqarýshylar qutqarý operasıalaryn josparlaýdyń negizgi aspektilerin, táýekelderdi baǵalaýdy, arnaıy álpınısik qural-jabdyqtardy qoldanýdy jáne taýly jaǵdaıda alǵashqy medısınalyq kómek kórsetý tehnıkasyn úırenbek. Qutqarý toptary arasyndaǵy ózara baılanysqa jáne is-qımyldardy úılesimdi josparlaý máselelerine aıryqsha nazar aýdarylady.
Praktıkalyq daıyndyq naqty taýly relef jaǵdaıynda 1-2 kúrdelilik deńgeıindegi İle Alataýynyń klassıfıkasıalanǵan álpınısik marshrýttarynda 3-razrád normatıvin oryndaý arqyly ótedi. Bul qutqarýshylarǵa qol jetimsiz jáne ekstremaldy jaǵdaılarda jumys isteý úshin qajetti daǵdylardy alýǵa múmkindik beredi.
Jattyǵýlar betkeılerge kóterilý jáne túsý, zardap shekkenderdi evakýasıalaý, arqan jáne basqa da arnaıy álpınısik qural-jabdyqtardy qoldaný arqyly qutqarý operasıalaryn júrgizýge baǵyttalǵan.
«Bastapqy daıyndyq» baǵdarlamasy boıynsha qutqarýshylardy daıyndaý - Almaty taýly aımaqtarynda týrıserdiń qaýipsizdigin arttyrýǵa múmkindik beredi. Oqytý nátıjesinde qutqarýshylar kez kelgen tótenshe jaǵdaılarǵa jedel jaýap berip, megapolıs qonaqtary men turǵyndarynyń qaýipsizdigin qamtamasyz ete alady.