Ol áıel «Asyltaý» turǵyn úı kesheninde tazalyqshy bolyp jumys istep júrgen.
«Asyltaý» turǵyn úı keshenderiniń birinde áıel adamnyń óltirilgeni týraly «NeMolchıKZ» qoryna Almatydaǵy habarlama túsken, dep habarlaıdy aqshamnews.kz
Qor jetekshisi Dına Tańsáriniń aıtýynsha, áıel ǵımarattaǵy 14-15 qabattardy jınap, tazalyqshy bolyp jumys istep júrgen. Turǵyn úı keshenine polısıa men jedel járdem saǵat 17:00-de jetken.
«Bizdiń Almatydaǵy turǵyn úı kesheninde tazalyqshy áıeldi kúıeýi uryp óltirdi. Bul – sumdyq. Bizdiń elde áıelin uryp-soǵyp óltirý sánge aınalǵan sıaqty. Qylmyskerdi qolǵa túsirgen sekildi. Áıeldiń jasy 45-te edi. Bir qyzy bar. Men ony kúnde kóretinmin. Sondaı uqypty edi. Eki úıdi 14-15 qabatqa deıin tap-taza etip jınap shyǵatyn», -dep jazdy turǵyndardyń biri.
Búgin Almaty qalalyq polısıa departamenti qaıǵyly oqıǵany rastap, is qozǵalǵanyn málimdedi.
«Almaty qalasynyń polısıa departamenti bul fakti boıynsha qylmystyq is qozǵalǵanyn habarlaıdy. Kúdikti izin sýytpaı ustalyp, ýaqytsha ustaý ızolátoryna jetkizildi. Sot-medısınalyq saraptama taǵaıyndaldy», -dep málimdedi vedomstvo ókilderi.