Zergerlik buıym satýshylaryna jarty mıllıon teńge kóleminde shyǵyn keltirildi.
Qaskóı satyp alýshy retinde kelip, baǵaly buıymdardy bildirmeı urlap, “izin sýytqan”. Taýardyń jetispeýshiligin baıqaǵan úsh kásipker polısıaǵa aryzdandy. Ál-Farabı APB-nyń jedel ýákilderi beınebaqylaý kameralaryndaǵy jazbalardy tekserip, urynyń jeke basyn anyqtady, dep habarlaıdy Almaty-akshamy.kz Polisia.kz-ke silteme jasap.
Ol buryn-sondy urlyq jasaǵany úshin birneshe ret sottalǵan Almaty turǵyny bolyp shyqty. Tártip saqshylary ony turǵylyqty jerinen ustady. Kúdikti zergerlik buıymdardy lombardqa satyp úlgergeni belgili boldy. Qazirgi tańda áıel qamaýda. Quqyq qorǵaýshylar onyń basqa da uqsas jaıttarǵa qatysy bar bolýy múmkin ekenin atap ótti. Polısıa qyzmetkerleri baǵaly zattardyń urlanbaýy úshin asa qyraǵy bolý jáne olardy múmkindiginshe urylardyń qoly jetpeıtin jerlerde saqtaý qajettigin eske salady.