Alaıaqtyǵyn jasyrý úshin polıseıler uryp-soqty dep jala japqan áıel ustaldy
Polısıa málimetinshe, alaıaqtyq jasady degen kúdikke 27 jastaǵy T. esimdi áıel ilikti. Ol polısıa qyzmetkerleri uryp, keıin túsik tastadym dep ótirik aıtqan.
«Anyqtalǵandaı, T. esimdi azamat ótken jyldyń jeltoqsan aıynda «Krysha» resýrsynyń saıtynda ózinde joq páterdi jalǵa berý týraly habarlandyrý ornalastyrdy. Bul jalǵan jarnamaǵa 26 jastaǵy S. esimdi azamat senip qalǵan. Kúdikti ózin «Marına» esimdi rıeltormyn dep tanystyrǵan T. esimdi azamattyń talaby boıynsha bank kartasyna 80 myń teńge aldyn ala tólem aýdarǵan. Qarajatty alǵannan keıin T. esimdi azamat telefon nómirin óshirip, «klıentpen» baılanysqa shyǵýyn toqtatty», – dedi Bostandyq aýdandyq polısıa basqarmasynyń bastyǵy Dýman Aýhadıev.
Jedel-izdestirý sharalary kezinde kartochkanyń Ch. esimdi azamatqa tıesili ekeni belgili boldy. Ch. esimdi azamat tólem kartasyn T. esimdi tanysynyń qarashadan beri qoldanyp júrgenin aıtty.
QR Qylmystyq-is júrgizý kodeksiniń 128 babyna sáıkes kúdikti ýaqytsha ustaý ızolátoryna qamaldy. QR QK-niń 190 baby boıynsha qozǵalǵan qylmystyq is aıasynda onyń jeke basy basqa da qylmystarǵa qatysy bar-joǵyna tekserilýde.