Kýágerler oqıǵany sýretke túsirip, áleýmettik jelige salǵan
Almaty metrosynda eki er adam 20 jastaǵy jigitti tapanshamen qorqytyp, soqqyǵa jyqqan, dep habarlaıdy Almaty-akshamy.kz QazAqparatqa silteme jasap.
Almaty qalalyq polısıa departamentiniń baspasóz qyzmeti málim etkendeı, janjal saldarynan 20 jastaǵy jas jigit jaraqat alǵan.
Oǵan medısınalyq kómek kórsetildi.
«Kúdiktiler ustaldy. Olardan qarsylasyn qorqytqan tapansha tárkilendi. Tapanshanyń kimge tıesili ekenin anyqtaý úshin sot-ballıstıkalyq saraptama taǵaıyndaldy», - dep habarlady polısıanyń baspasóz qyzmeti.
Tekserý kesheniniń qorytyndysyna qaraı kúdiktilerdiń áreketine quqyqtyq baǵa beriledi.
Metrodaǵy tóbelesti kýágerlerdiń biri sýretke túsirip, áleýmettik jelige júktegen.