Talıbter Almatyda kórme ótkizýdi josparlap otyr
Ol qazan aıynyń sońynda ótedi dep habarlaıdy Aýǵanstannyń Tolonews basylymy. Resýrs málimetine sáıkes, aýǵan kórmesi shamamen 20 kúnnen keıin uıymdastyrylady.
Bul týraly Aýǵanstannyń Indýstrıa jáne saýda mınıstriniń mindetin atqarýshy Nýrýddın Azızı málimdedi.
Azızıdiń aıtýynsha, Qazaqstannyń iri qalasyna kórmege shamamen 300 delegat keledi. Olardyń qatarynda Aýǵanstan bıliginiń ókilderi men kásipkerler bolady.
«Eger kompanıa nemese el óz ónimin álemdik naryqtarda tanystyrǵysy kelse, kórmelerge qatysýy qajet. Bul kórme Qazaqstanda óte mańyzdy», – dep atap ótti Aýǵanstannyń Saýda-ınvestısıalyq palatasynyń dırektorlar keńesiniń múshesi Hanjan Alokozaı.
Aýǵanstan buǵan deıin osyndaı kórmelerdi Ózbekstanda, Túrikmenstanda jáne Qytaıda ótkizgen. Qytaı Halyq Respýblıkasynda ol jaqynda ǵana (shilde aıynyń sońynda) ótip, alty kúnge sozyldy.