Pavlodarda joǵalǵan 16 jastaǵy qyz bir aptadan soń tabyldy.
10 shildede polısıanyń kezekshi bólimine 16 jastaǵy qyzdyń anasy habarlasyp, jasóspirim úsh kún boıy úıine oralmaǵanyn habarlady. Anyqtalǵandaı, 3 shildede anasy balasymen Almatyǵa ketken, al qyzy úıde jalǵyz qalǵan.
9 shildede anasy úıine oralǵanda, qyzy: “Men dosymnyń týǵan kúnine qonýǵa bardym. Erteń kelemin, ýaıymdamańyz!” degen jazba hat qaldyrǵan. Kelesi kúni tańerteń anasy qyzyna qońyraý shala bastaǵan, biraq telefony óshirýli boldy. İzdestirilýshini anyqtaý maqsatynda Pavlodar oblysy PD jeke quramy baǵdarlandy, dep habarlaıdy Almaty-akshamy.kz Polisia.kz-ke silteme jasap.
Budan basqa, “Pavlodar qalalyq Vita izdeý júıeleri” QB eriktilerimen birlesip, izdeýdegi múmkin bolatyn baǵyt boıynsha baǵdarlardy jelimdeı otyryp, izdestirý is-sharalary ótkizildi.
Jaqyn mańdaǵy úılerdiń aýlalary tekserildi, habar-osharsyz ketken adam páterdi jalǵa alýy múmkin degen páter agenttikteri baǵdarlandy. Anyqtalǵandaı, qyz Almatyǵa ketken. Keıin Pavlodar qalasyna oralyp, jedel ýákilder ony kafelerdiń birinen tapty.
Qazirgi ýaqytta jasóspirim anasyna tapsyryldy, profılaktıkalyq áńgime júrgizildi. Aıta ketý kerek, jyl basynan beri Pavlodar oblysynyń polısıa qyzmetkerleri joǵalǵan 62 kámeletke tolmaǵan balany izdestirdi.