Ótken táýlikte 597 adam KVI juqtyrǵan.
Almatyda 200 astam adam koronavırýs ınfeksıasynan emdelip jatyr. 19 shilde kúni jaǵdaı boıynsha koronavırýstyq ınfeksıanyń 597 jańa jaǵdaıy tirkeldi (jergilikti), onyń 580 sımptomdyq belgileri bar jáne 17 sımptomsyz, dep habarlaıdy Almaty-akshamy.kz.
Infeksıalyq stasıonarlarda (500 tósek-oryn júktemesi) jalpy sany 202 pasıent em alyp jatyr. Jalpy reanımasıa jáne qarqyndy terapıa bólimshesinde – 1.
Búgingi tańda BMSK men Telemedısına ortalyǵy dárigerleriniń baqylaýynda 3 128 naýqas baqylaýda, olardyń ishinde jeńil jáne ortasha aýyrlyq dárejesinde 2 919, sımptomsyz 209 naýqas bar.
Mamandardyń aıtýynsha, Almaty qalasy boıynsha bir táýlik ishinde vaksınanyń I komponentin 465 adam, II komponettin 995 adam aldy. Revaksınalaýdan 1 870 adam ótti.
Jalpy, 2021 jyldyń aqpan aıynan bastap 2022 jyldyń 19 shilde aralyǵynda qala boıynsha I komponentti 1 232 951 adam, II komponentti 1 199 665 adam vaksınalandy.
2021 jyldyń qarashasynan 2022 jyldyń 19 shildesi aralyǵynda 515 040 qala turǵyny revaksınalaýdan ótti.
Búgingi tańda Pfizer (Comirnaty) vaksınasyn alǵandar sany 117 884 adamdy quraıdy.
«Búgingi tańda qalada medısınalyq uıymdarda 85 vaksınalaý pýnkti jumys isteıdi. 99 vaksınalaý brıgadasynda 313 medısına qyzmetkerleri jumyldyryldy», - delingen Almaty qalasy Qoǵamdyq densaýlyq saqtaý basqarmasynyń baspasóz qyzmetiniń habarlamasynda.