Almatyǵa esirtkiniń iri partıasyn ákelý áreketin PD esirtki qylmysyna qarsy kúres basqarmasynyń qyzmetkerleri JQAJ, kınologıa qyzmeti jáne “Býran-278” patrúldik ekıpajyndaǵy áriptesteriniń kómegimen jolyn kesti, dep habarlaıdy Almaty-akshamy.kz Polisia.kz-ke silteme jasap.
«Raıymbek dańǵyly men Áshimov kóshesiniń qıylysynda Toyota Camry kólik toqtatyldy. Kólik ishinde Jambyl oblysy, Shý aýdanynyń eki turǵyny boldy. Joǵaryda atalǵan avtokólikti tintý barysynda árqaısysynyń salmaǵy 24 keli bolatyn 7 qorap tabylyp, tárkilendi. Olardyń ishinde erekshe ıisti jasyl tústi untaq zaty bar polıetılen baılamdary boldy. Sot-hımıalyq saraptamasynyń qorytyndysyna sáıkes, tárkilengen zattar jalpy salmaǵy 151 keli 328 gram bolatyn gashısh esirtki ekeni rastaldy. Aıyptalýshylar qamaýǵa alyndy. Olar bizdiń jedel bólimshelerdiń qyzmetkerleri birneshe aı boıy ázirlegen esirtki tizbeginiń býyny sanalady. Esterińizge sala keteıik, shilde aıynda 1982 jyly týǵan T.esimdi azamat ustalǵan bolatyn, odan salmaǵy 54 keliden astam marıhýana tabylyp, tárkilendi, al qazan aıynda 1993 jylǵy G.esimdi azamat ustaldy. Ony tintý kezinde 6 keli gashısh salynǵan baılam tabyldy», – dedi Almaty qalalyq polısıa departamenti bastyǵynyń orynbasary Dıdar Ahanov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.