5 qarasha kúni alǵash ret aýdandar men oblystyq mańyzy bar qalalardyń ákimderin saılaý ótti.
Búgin Ortalyq saılaý komısıasy saılaý qorytyndylary týraly málimdeme jasady, dep habarlaıdy Almaty-akshamy.kz.
«Ókilettikterge sáıkes oblystardyń máslıhattary osy saılaýdy ótkizý úshin 42 aýdan men 3 oblystyq mańyzy bar qalanyń tizbesin bekitti. 1553 saılaý komısıalary jumyldyryldy. Saılaý balama negizde ótti. Saılaý búletenderine 125 kandıdat engizildi. Saılaýshylardyń kelýi - 62,79 paıyzdy qurady. Saılanǵan ákimderdiń ortasha jasy 46,7 jasty quraıdy. Saılaý naýqany respýblıkanyń saılaý zańnamasy normalarynyń talaptaryna sáıkes ótti. Saılaý prosesin baqylaýdy 8500-ge jýyq kandıdattardyń senim bildirilgen adamdary, baıqaýshylary men BAQ ókilderi júzege asyrdy»,- dep jazylǵan habarlamada.
Saılaýdyń qorytyndysy 17 óńirdiń ınternet-resýrsynda tolyǵyraq jarıalanǵan.