Alekseı Bogdanov óz erkimen Qazaqstanǵa berilgen.
Antıkordyń málimetinshe, ol búgin, 15 mamyr kúni QR İİM Interpolynyń kómegimen Bogdanov Brússel qalasynan (Belgıa) Almaty qalasyna keldi, dep habarlaıdy Almaty-akshamy.kz
Ol óz erkimen oralǵan soń, sonymen qatar, kinásin tolyq moıyndap, tergeýmen yntymaqtastyq ornatqan soń, oǵan qatysty buryn saılanǵan qamaýda ustaý túrindegi bultartpaý sharasy kepilge ózgergeni belgili boldy.
«Sybaılas jemqorlyqqa qarsy qyzmettiń basshylyǵymen vedomstvoaralyq jedel-tergeý toby «BTA Banki» AQ burynǵy top-menedjmentine qatysty uıymdasqan qylmystyq topquramynda jasalǵan aqshany, onyń ishinde shetelde jymqyrý jáne jylystatý faktileri boıynsha qylmystyq isti odan ári tergep jatyr. Qylmystyq is boıynsha 2009 jyldan beri izdeýde júrgen M.Áblázovtyń taǵy bir sybaılasy - Alekseı Bogdanov Qazaqstanǵa óz erkimen qaıtaryldy», - dep habarlady Antıkor.
Derekkózge súıensek, Bogdanov «Metropolitan Manageres Corp» (BVI) ofshorlyq kompanıasynyń nomınaldy ókili, «Belovod krahmal kombınaty» JAQ Basqarma Tóraǵasy jáne «Maıs Agro» JSHS mamany retinde banktiń 300 mln teńgeden astam somaǵa aqsha qarajatyn jymqyrǵan.