Negizinen turǵyn úı qurylysyna jáne kólik pen qoımalaý salasyna qarajat quıylǵan.
Ekonomıkalyq zertteýler ınstıtýtynyń málimeti boıynsha, 2022 jyldyń qańtar-qyrkúıek aılarynda Almaty qalasynyń negizgi kapıtalyna salynǵan ınvestısıa 974 mlrd teńge boldy, dep habarlaıdy Almaty-akshamy.kz
Jyl ishinde qalaǵa salynǵan ınvestısıa 22,1%, el boıynsha 7%-ke kóbeıgen. Qalada negizinen turǵyn úı qurylysyna jáne kólik pen qoımalaý salasyna qarajat quıylǵan, búkil ınvestısıanyń 61%-y osy maqsatta jumsalypty.
Jyljymaıtyn múlik operasıalaryna salynǵan ınvestısıa 352 mlrd teńgeden 456 mlrd teńgege deıin, al transport pen qoımalaýǵa salynǵan ınvestısıa 91 mlrd teńgeden 143 mlrd teńgege deıin artqan.
Qalaǵa salynatyn qarajattyń 70%-y ınvestorlar men kásipkerlerdiń jeke qarajaty esebinen, ol bıylǵy 9 aıdyń ishinde 35%-ǵa, 500 mlrd teńgeden, 677 mlrd teńgege deıin ulǵaıdy.
Memlekettik búdjetten bólinetin ınvestısıa 28%-ǵa, 157 mlrd teńgege deıin artsa, qaryz quraldarynyń kólemi 140 mlrd teńgege deıin, 8%-ǵa ósken.
Qala ekonomıkasyna belsendi túrde ınvestısıa jasaıtyn shaǵyn kásiporyndar, búkil ınvestısıanyń 71%-y tıesili, negizgi kapıtalǵa qarajat salý 57%-ǵa, 688 mlrd teńgege deıin ulǵaıdy.
İri kásiporyndar atalǵan merzim ishinde 220 mlrd teńge, al orta kásiporynda 66 mlrd teńge ınvestısıa salǵan.