Baq qalanyń halyqaralyq avıasıalyq kody - ALA áripteri pishininde jasalǵan.
3 gektardan asa alqapqa bıiktigi eki metrlik 2,5 myń túp arsha otyrǵyzylǵan, dep habarlaıdy Almaty-akshamy.kz
Almatyda qalanyń halyqaralyq kody – ALA jazýyn kórsetetin baq paıda boldy. Bul baq Alataý aýdanynda, Momyshuly kóshesiniń shyǵysyna, Móńke bı, kóshesiniń soltústigine qaraı JEO-2 aýmaǵynyń sanıtarlyq-qorǵaý aımaǵynda ornalasqan. 3,36 ga aýmaqqa bıiktigi 2 metr bolatyn 2500 túp qylqan japyraqty arsha kósheti otyrǵyzyldy.
Uıymdastyrýshylar biregeı baq Gınnestiń rekordtar kitabyna aǵashtan jazylǵan eń úlken sóz retinde kirýi múmkin dep otyr.
Ideıa avtory – qoǵam qaıratkeri, prodúser, buǵan deıin ǵalamshardyń 193 elin «Álem sýreti» halyqaralyq áleýmettik art jobasyna biriktirgen Dáýit Shaıhıslamov.
18 qarashada Almaty qalasynyń ákimdigi men qoǵam qaıratkerleri aǵash otyrǵyzý jumysyn aıaqtaıdy.
Áripter formasyndaǵy baq áýe kemesi qonýǵa daıyndalǵanda jolaýshylarǵa kórinetindeı etip otyrǵyzylǵan. Uıymdastyrýshylardyń aıtýynsha, bul baq ǵaryshtan da kórinedi eken.
«Biz dúnıejúzilik tarıhta qalýǵa tyrysamyz. Bul biregeı oryn Gınnestiń rekordtar kitabyna eń úlken sóz retinde kire alady», - deıdi joba avtory Dáýit Shaıhıslamov.