Jańa poıyz elordadan 17 shildeden bastap taq kúnderi jóneltiledi.
«Jolaýshylar tasymaly» AQ Talgo vagondarynan jasaqtalǵan Nur-Sultan Nurly jol – Almaty-2 baǵytyndaǵy №204/203 komersıalyq jolaýshylar poıyzyn iske qosty, dep habarlaıdy Almaty-akshamy.kz «Qazaqstan temir joly» UK» AQ baspasóz qyzmetine silteme jasap.
Kompanıa taratqan aqparat boıynsha, jolaýshylar poıyzy eki qalanyń arasynda kúnara qatynaıdy.
«Poıyz Nur-Sultan Nurly jol stansıasynan 2022 jylǵy 17 shildeden bastap taq kúnderi jóneltiledi. Almaty-2 stansıasynan 18 shildeden bastap jup kúnderi júretin bolady», - dep jazdy vedomstvo.
Ulttyq tasymaldaýshy kompanıa jolaýshylardan jol júrý qujattaryn (bıletterdi) BILET.RAILWAYS.KZ saıty nemese «QTJ bıletteri» mobıldi qosymshasy arqyly onlaın rásimdeýdi suraıdy. Vagonda oryn bolmaǵan jaǵdaıda temirjol bıletterin satyp alý úshin «Kútý paraǵy» fýnksıonalyn paıdalanýdy usynady.
Al kez kelgen suraqtar boıynsha 1433 nómirine nemese Instagram áleýmettik jelisi arqyly habarlasýǵa bolady.