Mamandardyń aıtýynsha, salada bar másele jıi aıtylady.
Agroóndiristik keshen komıtetiniń tóraǵasy Jıgýlı Daırabaev Qazaqstannyń aýyl sharýashylyǵy salasynda bar máseleler týraly aıtty, dep habarlaıdy Almaty-akshamy.kz Baq.kz silteme jasap.
«Aýyl sharýashylyǵy kesheni túbegeıli artqa qalsa kelispeımiz endi. Bul salada jasalǵan jaqsy bastamalar da bar. Qarapaıym fermerlerdiń maqsaty halyqqa ónimderdiń qoljetimdiligin qamtamasyz etý. Mal sharýashylyǵymen aınalyssa, osy saladaǵy ósimdi qadaǵalaýy kerek. Fermerler osy maqsatty júzege asyrýy kerek. Al qalǵan jaǵdaıdy Úkimet jasaýy kerek»,- dedi Daırabaev.
Ol keshe Memleket basshysy Qasym-Jomart Toqaev Úkimettiń keńeıtilgen otyrysynda da bul máseleni aıtqanyn jetkizdi.
«Biz bul máseleni únemi aıtamyz. Azyq-túlik qymbattap ketti. Qant ta qymbattady. Aýyl sharýashylyǵynyń jaǵdaıy qıyn ekeni ras. Oǵan túbegeıli betburys jasamaıtyn bolsaq, budan da qymbattaıdy. Bir qanttyń ózin alsaq. Respýblıkada Jambyl men Almaty oblysyndaǵy qant zaýyttary tolyq qýatymen jumys istemeı tur. Ol qýattylyǵyn arttyrsa, qansha jumys orny ashylatyn edi»,- dedi Jıgýlı Daırabaev.
Aıta keteıik, 14 shildede Memleket basshysynyń tóraǵalyǵymen Úkimettiń keńeıtilgen otyrysy ótti. Qasym-Jomart Toqaev 3 mınıstrge sógis jarıalady.