Amanqaraǵaı aýylynda gýmanıtarlyq kómek qabyldaıtyn 2 oryn ashylǵan
Qostanaı oblysyna Almatydan attanǵan gýmanıtarlyq kómek búgin dittegen jerine jetti, dep habarlaıdy Almaty-akshamy.kz Almaty.tv-ge silteme jasap.
Alty júk kóliginde azyq-túlik, turmystyq tehnıkalar, qurylys materıaldary, gıgıenalyq zattar men mektepke qajetti quraldar bar. Sondaı-aq onǵa jýyq erikti de arnaıy barǵan. Olar salmaǵy 120 tonna bolatyn Almatynyń amanatyn kómekke muqtaj jandarǵa taratady.
«Qazirgi tańda eriktilerdiń kúshimen búgin, erteń, barlyq jurtshylyqqa jetkizip, tabystap úlgeremiz dep oılaımyz. Óıtkeni bizden bólek, munda jergilikti eriktiler de bar eken. Sondyqtan da kóp bolyp birigip, gýmanıtarlyq kómekti tıisti jerlerine jetkizemiz», – dedi Almaty qalasy «Jastar rýhy» jastar qanatynyń tóraǵasy Ákejan Keńesov.
Júk kóligine tıelgen zattardy Almaty jurtshylyǵy Qostanaı oblysynda órtten zardap shekken aǵaıynǵa arnaıy jóneltti. Qalalyq «Amanat» partıasynyń bastaýymen 120 tonna naǵyz qajetti zattardy megapolıs turǵyndarynan bastap, qalanyń kásipkerleri jınap berdi. Aıta keteıin, Qostanaı oblysyndaǵy jurtqa jylý retinde ár óńirden osyndaı kómekter kelip jatyr. Ázirge Amanqaraǵaı aýylynda gýmanıtarlyq kómek qabyldaıtyn 2 oryn ashylǵan. Al Áýlıekól aýylynda osyndaı 3 arnaıy oryn jumys istep tur.