15 maýsymda elordadan Alakól kýrortty aımaǵyna «Astana-Dostyq» №257/258 baǵdary boıynsha alǵashqy poıyz jóneltildi, dep habarlaıdy Almaty-akshamy.kz.
Qazaqstan temir joly kompanıasynan málim etkendeı, poıyz aptasyna eki ret: astanadan – jeksenbi, beısenbi saıyn, Dostyq stansıasynan – dúısenbi jáne juma saıyn qatynaıdy. Poıyzǵa 346 jolaýshy sıady.
Baǵdardyń Astanadan Alakólge deıingi uzyndyǵy – 1399 km. Poıyz jolda 21 saǵat 45 mınýt júredi. «Talgo» poıyzy – Alakólge jetýdiń ońtaıly joly. Vagondar aýa jeldetkish, bıodárethana, rozetkamen jabdyqtalǵan. Jolaýshylar úshin vputi.kz mýltımedıalyq oıyn-saýyq portaly qoljetimdi. Poıyzda erekshe qajettiligi bar adamdar úshin «grand» sanatyndaǵy vagondar, vagon-bar jáne vagon-meıramhana qarastyrylǵan. Bılet quny vagon sanatyna qaraı 17 myń teńgeden bastalady.
Al Almatydan Alakólge deıin «Talgo» vagondarynan quralǵan eki jolaýshylar poıyzy qatynaıdy:
- №211/212 «Almaty-Dostyq» (346 jolaýshy orny bar) kúnara: Almatydan – jup kúnderi, Dostyqtan – taq kúnderi;
- №253/254 «Almaty-Dostyq» (276 jolaýshy orny bar) kúnara: Almatydan – taq kúnderi, Dostyqtan – jup kúnderi.
Almaty men Dostyqtyń arasy 846 km jol, jolǵa ketetin ýaqyt – 17 saǵat 35 mınýt. Bılet quny 11 myń teńgeden bastalady.
«Talgo» poıyzdarynyń arnaıy oryndaryna erekshe qajettilikteri bar jandar úshin bıletke 70% jeńildik qarastyrylǵan. Bıletterdi kasadan nemese https://bilet.railways.kz saıty arqyly komısıasyz satyp alýǵa bolady.
Sonymen qatar Alakól baǵytynda jazǵy mezgilde 8 baǵdar boıynsha jolaýshylar poıyzdary qatynaıdy:
- №53/54 «Astana-Dostyq» poıyzy (tasymaldaýshy «Jolaýshylar tasymaly» AQ );
- №122/6941/6942/121 «Astana-Dostyq» poıyzy(jeke tasymaldaýshy «AraıTransKZ» JSHS);
- №221/222 «Almaty – Dostyq» poıyzy (tasymaldaýshy «Jolaýshylar tasymaly» AQ);
- №22/6941/6942/21 «Almaty – Dostyq» poıyzy (tasymaldaýshy «Jolaýshylar tasymaly» AQ);
- №337/338 «Almaty – Dostyq» poıyzy (jeke tasymaldaýshy «Vagon Service Almaty» AQ;
- №457/458 «Semeı – Dostyq» poıyzy (tasymaldaýshy «Jolaýshylar tasymaly» AQ);
- №459/460 «Óskemen – Dostyq» (tasymaldaýshy «Jolaýshylar tasymaly» AQ);
- №6941/6942 «Aqtoǵaı – Dostyq» qala mańy poıyzy (tasymaldaýshy «Jolaýshylar tasymaly» AQ)