Olar qalada zańsyz júrgen.
Bul joly Almatynyń kóshi-qon qyzmeti Nıgerıanyń 9 azamatyn áýe kóligimen tasymaldaýdy uıymdastyrdy, dep habarlaıdy Almaty-akshamy.kz
"Bular Qazaqstanda júrgen kezinde kóshi-qon zańnamasyn buzǵan, atap aıtqanda, zańnamada belgilengen merzimde Qazaqstan Respýblıkasynyń aýmaǵynan shyqpaǵan. Bul azamattar sottyń sheshimimen memleketimizden shyǵarylǵan bolatyn. Aıta keteıik, bul is-shara birneshe kezeńnen turady", – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Buǵan deıin Qazaqstan Respýblıkasynyń kóshi-qon zańnamasyn buzǵany úshin ustalǵan Afrıka qurlyǵy elderiniń 19 azamaty óz elderine qaıtaryldy.