Astana ýaqyty boıynsha 13:35-te Seısmologıalyq baqylaý jáne zertteý ulttyq ǵylymı ortalyǵynyń seısmıkalyq stansıalar jelisi jer silkinisin tirkedi, - dep habarlaıdy Aqshamnews.kz tilshisi.
Seısmologıalyq baqylaý jáne zertteý ortalyǵynyń málimetinshe, jer silkinisiniń epısentri Qazaqstan aýmaǵynda, Almatydan 141 shaqyrym shyǵysta ornalasqan. Seısmologtardyń deregine sáıkes, jerasty dúmpýleri sezilmegendikten, olardyń eseptik qarqyndylyǵy týraly málimet joq.
16 shildede Qazaqstan men Qyrǵyzstan shekarasyna jaqyn jerde jer silkinisi bolǵan. Jer silkinisiniń oshaǵy Qyrǵyzstan aýmaǵynda, Almatydan 379 shaqyrym ońtústik-batysta ornalasqan. Qazaqstan aýmaǵynda dúmpýler sezilmegen.
8 shildede Jambyl oblysynda jer silkinisi boldy. Epısentri Tarazdan 126 shaqyrym shyǵysta ornalasqan. Ártúrli jerlerde onyń qarqyndylyǵy 2-den 6 balǵa deıin jetken. Zardap shekkender men qıraǵan ǵımarattar týraly aqparat túsken joq.