Óńirlik komýnıkasıalar qyzmetinde ótken brıfıńte Almaty qalasynyń Komýnaldyq ınfraqurylymdy damytý basqarmasynyń basshysy Danıar Qyryqbaev búginde 5175 kóp páterli turǵyn úıdi qamtıtyn 4810 jańa basqarý nysany 1118 MIB tirkelip, 3692 JS irikteýden ótkenin aıtty, dep habarlaıdy Almaty-akshamy.kz Almaty qalasy Óńirlik komýnıkasıalar qyzmetine silteme jasap.
Qyryqbaevtyń habarlaýynsha, qalada 8879-dan astam kóp páterli turǵyn úı bar, olarǵa 820-ǵa jýyq basqarý organdary (PIK, PITK jáne t.b.) qyzmet kórsetedi.
«TKSH reformasyn júzege asyrý úshin biz qalalyq Jol kartasyn bekittik, 300-ge jýyq onlaın-kezdesý ótkizildi, sondaı-aq sall-ortalyq aıasynda 4500-ge jýyq turǵynǵa keńes berildi», - dedi D.Qyryqbaev.
Osy reforma bastalǵannan beri epıdemıologıalyq jaǵdaıdy eskere otyryp, 7500-ge jýyq kóp páterli turǵyn úıdi qamtyǵan 3500 otyrys ótkizildi.
Sondaı-aq, basqarma birneshe ret barlyq múddeli arnaıy qyzmetterdiń qatysýymen Ashyq esik kúnin ótkizýge bastamashylyq etti, onda MIB nemese JS basqarýdyń jańa nysandaryna kóshý boıynsha barlyq qajetti túsindirmeler men keńester berildi, onyń barysynda 600-ge jýyq turǵyn qatysty.