Bul týraly Óńirlik komýnıkasıalar qyzmetiniń brıfıńinde Almaty qalasy Komýnaldyq ınfraqurylymdy damytý basqarmasynyń basshysy Danıar Qyryqbaev málimdedi.
Spıkerdiń aıtýynsha, vedomstvo turmystyq jáne komýnaldyq-turmystyq tutynýshylardyń gaz tutyný júıeleri men gaz jabdyqtaryn, sondaı-aq áleýmettik ınfraqurylym obektilerindegi turmystyq balondardy qaýipsiz paıdalaný talaptarynyń saqtalýyna baqylaýdy júzege asyrady, dep habarlaıdy Almaty-akshamy.kz
«Almaty qalasy tótenshe jaǵdaılar departamenti jáne polısıa departamentiniń jergilikti polısıa qyzmeti basqarmasymen birlesip, turmystyq gaz tutyný júıeleri men gaz jabdyqtaryn qaýipsiz paıdalaný sharalary boıynsha úgit-nasıhat aılyǵyn ótkizdi, aılyq aıasynda komısıa saparlar uıymdastyrdy», - dedi D. Qyryqbaev.
Tekserý nátıjesinde 53-ten astam saýda jáne 50 saýda jáne oıyn-saýyq bazarlary («Alataý-1», «Keremet», «Sálem», «Taý-Samal», «Barlyq», «Altaı», «Túrksib», «Jetisý»), Sholohovtaǵy «Sapar», «Aınabulaq» aýmaqtary, Kók bazar, «Vernyı» jáne t.b. qamtyldy), sondaı-aq 400-ge jýyq qoǵamdyq tamaqtandyrý nysandarynda, onyń ishinde 278 nysanda gaz balondaryn talaptardy buza otyryp paıdalaný faktileri anyqtaldy.
Atalǵan tutynýshylarmen gaz tutyný júıeleri men gaz jabdyqtaryn qaýipsiz paıdalaný boıynsha talaptardy saqtaý qajettiligine, sondaı-aq Qazaqstan Respýblıkasynyń qoldanystaǵy zańnamasyna sáıkes kózdelgen jaýapkershilikke qatysty túsindirý jumystary júrgizildi.
Sonymen qatar, mamyr aıynda SOSO, dúkender, metropolıten jáne áýejaı ókilderimen «Saýda-oıyn-saýyq ortalyqtarynda lıftilerdi, travolatorlar men eskalatorlardy paıdalaný qaýipsizdigi» taqyrybynda keńes ótkizildi.