Arnaıy is-shara qala prokýratýrasynyń úılestirýimen “Esirtki bıznesine qarsy kúres” jobasy aıasynda júrgizildi.
Jedel ýákilder men polısıanyń arnaıy jasaqtary Almatynyń Medeý aýdanyndaǵy oıyn-saýyq mekemesinde sıntetıkalyq esirtki satýmen aınalysqan kúdiktini ustady, dep habarlaıdy Almaty-akshamy.kz Polisia.kz-ke silteme jasap.
«Kúdiktini jeke tintý kezinde odan qara ızolentaǵa oralǵan býma tabyldy jáne tárkilendi. Aldyn ala málimetter boıynsha, onyń ishinde erekshe ıisi bar aq tústi untaq túrindegi sıntetıkalyq esirtki boldy. 28 jastaǵy B.esimdi azamattyń aıtýynsha, ol bul “chekti” tanys qyzynyń ótinishi boıynsha satyp alǵan. Bizdiń jedel derekterge sáıkes, ol – osyǵan uqsas qylmysty birneshe ret jasaǵan esirtki satýshysy. Qazirgi ýaqytta birqatar arnaıy saraptamalar taǵaıyndaldy. Bul derek QR QK-niń 297-baby boıynsha sotqa deıingi tergeýdiń biryńǵaı tizilimine tirkeldi», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Kúdiktiniń buryn jaqyn mańdaǵy túngi klýbta dıdjeı bolyp jumys istegeni belgili boldy. Oǵan qosa, ol adamdy tonaǵany úshin jazasyn ótegen. Qylmystyq istiń basqa da mán-jaılary QR QPK-niń 201-baby jáne QR Konstıtýsıasynyń normalaryna sáıkes jarıa etýge jatpaıdy.