Esirti saýdasymen aınalysqan azamat buryn da isti bolǵan.
Kúdikti arnaıy operasıa kezinde ustaldy, dep habarlaıdy Almaty-akshamy.kz Polisia.kz-ke silteme jasap.
«Arnaıy operasıa Almatynyń túngi klýbtarynyń birinde ótkizildi. Jedel ýákilder men polısıanyń arnaýly kúshteri oıyn-saýyq mekemesinde sıntetıkalyq esirtki satýmen aınalysatyn esirtki satýshyny ustady. Jeke tintý júrgizý kezinde kúdiktiden orama tárkilendi. Onyń ishinen aq untaq túrindegi sıntetıkalyq preparattar shyqty. Buryn kúdiktiniń jaqyn mańdaǵy túngi klýbta dı-djeı bolyp jumys istegeni anyqtaldy. Sonymen qatar, onyń tonaý qylmysyna baılanysty jazasyn ótep shyqqany belgili boldy», - dep málim etti mınıstrliktiń aptalyq brıfıńinde vedomstvonyń ókili Shuǵyla Turlybek.
Qosa keteıik, ótken aptada elimizdiń aýmaǵynda 2 800 qylmys tirkelgen. Onyń 1 678-i táýilik ishinde ashyldy.