8 naýryz – Halyqaralyq áıelder kúnine oraı Almaty qalasy boıynsha QAJD-ǵa qarasty №72 mekemesinde sharýashylyq jasaǵyndaǵy sottalǵan áıelderge arnalǵan erekshe mereke uıymdastyryldy, dep habarlaıdy aqshamnews.kz.
Mereke kúni sottalǵan áıelder óz ónerlerin ortaǵa salyp, mekemeniń tárbıe bólimindegi qyz-kelinshekterdi kóktemniń shýaqty merekesimen quttyqtady. Saltanatty jıynda mekeme jasaq bastyǵy M. Ibraımoldaev quttyqtaý sóz sóılep, merekeniń mańyzdylyǵyn atap ótti.
- Qymbatty qyz-kelinshekter! Áıel – ár otbasyna baqyt syılaıtyn jan. Sizder bar jerde bereke men birlik bar. Al birlik bar jerde tirlik bolatyny sózsiz. "Adasqannyń aıyby joq, qaıtyp úıirin tapqan soń" degen sóz beker aıtylmaǵan. Sondyqtan búgin jazaly bolyp júrgen analar men arýlardyń tezirek erkindikke shyǵyp, qoǵamǵa paıdaly ispen aınalysýlaryna tilektespin. Qurmetti analar men arýlar, shańyraqtaryńyzǵa shattyq, ómirlerińizge baqyt tileımin, – dedi M. Ibraımoldaev.
Sonymen qatar mereke barysynda mekemedegi mádenı-tárbıelik is-sharalarǵa belsene qatysqan qyz-kelinshekter mekeme bastyǵynyń marapatyna ıe boldy. Mereke sońynda sottalǵandardyń kúshimen daıyndalǵan konserttik baǵdarlama usynylyp, qatysýshylarǵa erekshe kóńil-kúı syılady.