150-den asa sheber qatysty
Almatyda ótken Halyqaralyq qolónershiler forýmy aıasynda búgin Qasteev murajaıynda jármeńke uıymdastyryldy, dep habarlaıdy Almaty-akshamy.kz Almaty.tv-ge silteme jasap.
Oǵan elimizdiń túkpir-túkpirinen 150-den asa sheber qatysty. Usynylǵan ónimderdiń qatarynda keramıka, kıiz, toqyma, zergerlik óner, jibek sharýashylyǵy jáne basqa da qolóner túrleri bar. Jármeńkege kelgen qala turǵyndary osyndaı is-sharalardyń kóbeıgeni durys deıdi. Qolónershiler ulttyq naqyshtaǵy ónimderdi halyqqa usynyp qana qoımaı, sýretter men áshekeı-buıymdardyń ult ómirindegi mán-maǵynasyn túsindirýge kúsh saldy.
«Keshegi ótken forýmnan búgin úlken jármeńke bolyp jatyr. Búkil jer, dúnıejúzinen qazaqtyń qolónershileri keldi. Ózimiz otbasymyzben ónerli adambyz. Búgin mine, sol jumysymyzdy kórsetip otyrmyz. Ózimizdiń qolymyzdan shyqqan jumysymyzdy ákeldik», – dedi qolónershi Anargúl Narbotanova.
«Kádesyı alyp ketken adam erteń oǵan qarap, oǵan eske salyp otyrady. Onyń qaıta bul elge qaıtyp kelýine septigin tıgizedi degen sıaqty. Sondyqtan biz qolónerdi týrısik ónimniń bir bóligi dep sanaımyz. Bul sharaǵa 10 elden túrli ekspert, biraq odan mańyzdysy – elimizdiń túkpir-túkpirinen 150-den astam sheber qatysyp otyr», – dedi uıymdastyrýshy kompanıanyń basqarýshy dırektory Danıel Serjanuly.