Polısıa qyzmetkerleri Almaly aýdanyndaǵy meshitterdegi tórt urlyqtyń betin ashty.
Osy qylmysty jasady degen kúdikpen Almaty oblysynyń 40 jastaǵy turǵyny ustaldy, dep habarlaıdy Almaty-akshamy.kz Polisia.kz-ke silteme jasap.
«B.esimdi azamat urlyq jasaǵan kezde beınebaqylaý kameralaryna túsip qalǵan. Zardap shekkenderdiń biriniń aıtýynsha, namaz kezinde belgisiz bireý onyń jeke múlkin urlap, 200 myń teńge kóleminde materıaldyq shyǵyn keltirgen. Qaskóıdiń osyǵan uqsas 4 urlyqqa qatysy bary belgili boldy. Atalǵan derekter bir óndiriske biriktirilip, sotqa deıingi tergeý amaldary júrgizilip jatyr. Ustalǵan adam óz kinásin moıyndady», – dedi Almaly aýdandyq PB-ǵa qarasty polısıa bóliminiń bastyǵy Baturjan Ábdimasarov.
Qazaqstan QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.