Almaty qalasy Almaly aýdandyq sotynda abaısyzda adam óltirgen polıseıge qatysty qylmystyq isti qaraý aıaqtaldy, dep habarlaıdy Almaty-akshamy.kz.
2023 jyldyń jazynda sottalýshy K. ǵımaratty kúzetý maqsatymen, polısıa departamentiniń ǵımaratyna kelgen. Sottalýshynyń áriptesi qyzmettik qarýdy alǵannan keıin, K.-dan belbeýin baılaý úshin qarýdy ustaı turýyna suraǵan. Sottalýshy bolsa qyzmettik qarýdy qolyna alyp, ony qoldanýdyń erejelerin elemeı, qarýdy joǵary-tómen sermeı bastaıdy. Abaısyzda qarsy turǵan áriptesiniń basynan atyp, sońǵysy oqıǵa ornynda jan tapsyrǵan.
«Sot úkimimen sottalýshy K.-ny QK 104-babynyń 1-bóligimen 1 jyl 6 aıǵa bas bostandyǵynan aıyryldy. Jábirlenýshiniń paıdasyna moraldyq shyǵyn úshin 10 mıllıon teńge jáne materıaldyq shyǵyn úshin 3,5 mıllıon teńge óndirildi», - dep kórsetti Almaty soty.
Úkim zańdy kúshine engen joq jáne oǵan apelásıalyq tártippen shaǵym jasalýy múmkin.