Almatydaǵy oıyn-saýyq mekemelerinde karantınge baılanysty shekteýler buzylyp jatyr. Meıramhana ıeleri belgilengen jumys ýaqytyn elemeıdi. 21-23 tamyz aralyǵynda jınalǵan materıaldar aýdandyq sanıtarlyq-epıdemıologıalyq baqylaý departamentiniń aýdandyq bólimshelerine jiberildi.
Barlyq faktiler boıynsha ákimshilik jaza qoldanylady. Bul arada tekserýshiler bolǵan mekemelerdiń janynda polıseılerdiń avtoposttary kezekshilik etetin bolady, dep habarlaıdy Almaty-akshamy.kz
Almaty qalasynyń sanıtarlyq-epıdemıologıalyq baqylaý departamenti 20 naýryzdan 23 tamyz aralyǵynda monıtorıńtik toptardyń 2 myńǵa jýyq karantındik buzýshylyqty anyqtaǵanyn eseptedi.
Epıdemıologtardyń aıtýynsha, koronavırýsqa baılanysty qaladaǵy qazirgi jaǵdaı áli de kúrdeli. Sońǵy aptada sımptomdy naýqastardyń úlesi 94,2%-dy qurady. Sondyqtan quramyna ákimdik, polısıa qyzmetkerleri, kásipkerler palatasynyń ókilderi men eriktiler kiretin mobıldi toptar shaǵyn jáne orta kásipkerlik sýbektileriniń, qala turǵyndary men qonaqtarynyń karantındik shekteýlerdi saqtaýy boıynsha profılaktıkalyq jumystaryn jalǵastyrýda.
Epıdemıologıalyq talaptardy buzatyn oıyn-saýyq mekemeleri, kafeler, meıramhanalar, karaoke, barlar, saýda ortalyqtary sıaqty nysandarǵa erekshe kóńil bólinedi. Atap aıtqanda, Ashyq jobasy aıasynda jumys isteıtin kásipkerlik sýbektileri tekserilýde.
Sonymen, 21-22 tamyz aralyǵynda monıtorıńtik toptar belgilengen shekteýlerdiń 20 buzýshylyǵyn anyqtady. Mysaly, 21 tamyzda saǵat 19.00 shamasynda tyıym salynǵanyna qaramastan, Áýezov aýdany, Aqsaı 4 shaǵyn aýdanynda «Dostar» meıramhanasy jumys istep, onda 150 qonaqtyń qatysýymen is-shara ótti.
Dál sol kúni Naýryzbaı aýdanynyń tekserýshileri keshki saǵat 17.10 shamasynda Aqjar shaǵyn aýdanyndaǵy «Samır» meıramhanasynda 80 kelýshi bolǵan zań buzýshylyqty anyqtady.
Taǵy bir banket jasyryn túrde Naýryzbaı aýdany, Drozdy kóshesindegi jeke úıde ótti, onda 30 qonaq boldy. Tekserýshiler habarlaǵandaı, munda qudalyq bolǵan.
21 tamyzda Almaly aýdanynyń monıtorıńtik toby keshki saǵat 22 shamasynda karantındi buzǵan 50 adam bar «Letnıı dvor» kafesiniń jumysyn toqtatty.
Sol kúni shamamen saǵat 23.00-de Almaly aýdanynyń Qurmanǵazy kóshesindegi «1917» kafesinde tártip buzýshylyq anyqtaldy, shamamen 16.30-da Bostandyq aýdanyndaǵy «Bi Kumis» meıramhanasynda 100 qonaq shaqyrylǵan banket toqtatyldy.
22-23 tamyz aralyǵynda Almatyda 12 karantındik buzýshylyq anyqtaldy. Tekserýshiler jeksenbi, 22 tamyzda, demalys kúnderi jumysqa tolyq tyıym salynǵanyna qaramastan, Bostandyq aýdany Alma Arasan kóshesindegi «Holam» kafesiniń jumys jasap jatqanyn habarlady. Mekeme ishinde 30-ǵa jýyq kelýshi bolǵan.
Sol kúni Dýlatı kóshesinde «Ý Isabaıa» kafesi jumys jasaǵan, tekserýshiler 80 kelýshiniń demalysyn toqtatty.
22 tamyzda Alataý aýdanynda monıtorıńtik top «Fırýza» meıramhanasynyń ashylǵanyn jáne 40 qonaqtyń bolǵanyn anyqtady.
Naýryzbaı óńirinde 60 kelýshiniń qatysýymen is-shara ótkizilgen «Nur-Aı» meıramhanasynda karantın talaptarynyń buzylýy tirkeldi.
Almatyda patrúldik avtoekıpajdar oıyn-saýyq mekemeleriniń janynda kezekshilik jasaýda, mundaı sharamen barlyǵy 150-ge jýyq nysan qamtylǵan.
Almatydaǵy monıtorıńtik toptar ókilderiniń aıtýynsha, karantınniń buzylýyn anyqtaý jumystary jalǵasady. Halyq karantın talaptaryn qatań saqtaýy, adamdar kóp jınalatyn jerlerden aýlaq bolǵany, betperde rejımin ustanýy, áleýmettik qashyqtyqty saqtaýlary tıis.