Qalada TÚKSH jańǵyrtýdyń memlekettik baǵdarlamasy iske asyrylýda, onyń sheńberinde turǵyndar 8 jyldan 15 jylǵa deıingi merzimde qaıtarymdy negizde úıde kúrdeli jóndeýdi júzege asyra alady. Baǵdarlama operatory – «Almaty turǵyn úı» JSHS, dep habarlaıdy almaty-akshamy.kz
Osy baǵdarlamany iske asyrý barysynda 2011-2022 jyldar aralyǵynda 965 kóppáterli turǵyn úıge kúrdeli jóndeý júrgizilip, 907 úıde 1935 lıft aýystyryldy. 2023 jyly 100 KPTÚ-de jóndeý josparlanǵan. Jóndeý jumystarynyń túrleri – shatyrdy, ınjenerlik jáne elektr jelilerin aýystyrý, kireberis pen qasbetti jóndeý.
Ótepov kóshesindegi № 21 turǵyn úı turǵyndary 2022 jylǵy 14 maýsymda kúrdeli jóndeý júrgizýge ótinim berdi, qazirgi ýaqytta barlyq jumystar aıaqtaldy jáne turǵyndarmen qabyldandy. Isaev kóshesi boıyndaǵy 10 qabatty №15 KPTÚ-de jumystar júrgizilýde, merdigerlik uıym qasbetti jóndeýmen aınalysýda.
Qalanyń turǵyn úı qorynda 6285-ten astam lıft paıdalanylýda, onyń 386-sy 25 jyldan astam ýaqyt boıy paıdalanylyp keledi.
Ótken jyly jergilikti búdjetten qaıtarymdy negizde bólingen qarajat esebinen 170 úıde 358 birlik lıft jabdyǵy aýystyryldy. Jumystar jedel júrgizilýde. Mysaly, Shashkın kóshesindegi №9A turǵyn úıde jańa lıft ornatý aıaqtaldy, qarajatty kezeń-kezeńimen qaıtarý júrgizilýde: TÚKSH jańǵyrtý baǵdarlamasyna qatysý úshin KPTÚ páter ıelerinen ótinim 2022 jylǵy 28 qańtarda alyndy.
2023 jyly 86 KPTÚ-de 155 birlik lıft jabdyǵyn aýystyrý josparlanǵan. Jańǵyrtýdyń osyndaı qarqynymen normatıvtik merzimde 25 jyl jumys istegen lıftiler sany 2024 jylǵa qaraı aıtarlyqtaı azaıatynyn atap ótý mańyzdy.
Baǵdarlamaǵa qatysý úshin turǵyndar jınalysta turǵyn úıdi jóndeý týraly sheshim qabyldaıdy jáne turǵyndar arasynan jaýapty tulǵalardy tańdaýdy júzege asyrady. Osydan keıin basqarý organy (MIB/PIK) hattama men qatysýǵa ótinimdi Baǵdarlama operatoryna Ǵabdýllın kóshesi, 90 «A» mekenjaıy boıynsha usynady.
Osy qujattardyń negizinde operator jobalaý-smetalyq qujattamany ázirleýge jáne úıdi kúrdeli jóndeýge aqshalaı qarajat bólýge búdjettik ótinim beredi.
Tolyǵyraq keńes alý úshin Baǵdarlama operatoryna habarlasýǵa bolady: +7 (727) 390-22-09. Sondaı-aq, qosymsha aqparatty «Almaty qalasy Komýnaldyq ınfraqurylymdy damytý basqarmasy» KMM-de Dostyq dańǵyly, 85, 504 kabınet mekenjaıy boıynsha alýǵa nemese +7 (727) 225- 14-31 nómiri boıynsha habarlasýǵa bolady.